Dziejańnie ramana adbyvajecca ŭ Polščy časoŭ Juzafa Piłsudskaha: staličnaj Varšavie i majontku zamožnaha ziemleŭłaśnika Kabarova pad Hrodnam. Hałoŭny hieroj — pravincyjał, čałaviek biez adukacyi, vychavańnia, pryncypaŭ i asablivych zdolnaściaŭ, hultaj, prajdziśviet — stanovicca nie aby-kim, a staršynioj Nacyjanalnaha zbožžavaha banka. Dziakujučy svajmu mietadu — mieniej havaryć i bolej padsłuchoŭvać — Dyzma vydaje čužyja dumki za svaje i robicca svaim siarod arystakratyi, atrymlivaje ŭłasnyja hrošy, kachańnie žančyn i ŭsieahulnuju luboŭ jak uładalnik «mocnaj ruki». Prezident Respubliki ŭ kryzisny momant prapanuje jamu ŭznačalić urad…
Kupić knihu možna, u pryvatnaści, na sajcie vydaviectva.
Tadevuš Dałenha-Mastovič (1898—1939) — prazaik, scenaryst i žurnalist biełaruskaha pachodžańnia, jaki naradziŭsia na Hłyboččynie. Trahična zahinuŭ na samym pačatku Druhoj suśvietnaj vajny. Aŭtar siamnaccaci papularnych ramanaŭ i niekalkich kinascenaraŭ. Pa-biełarusku ŭ 2016 hodzie vychodziŭ jahony raman «Znachar».
Čytajcie taksama:
Vyjšła kniha pra katalickaha śviatara, jaki pravioŭ 25 hadoŭ u savieckich łahierach i vysyłkach
