Za apošnija 5 hadoŭ (z 2019 hoda) kolkaść biełarusaŭ u Polščy vyrasła ŭ 6,5 razoŭ, pišuć analityki picodi.com.
Daśledavańnie hruntavałasia na polskim dziaržaŭnym rejestry ŭliku nasielnictva PESEL. Častkovyja źviestki z hetaha rejestru znachodziacca ŭ volnym dostupie na partale «adkrytyja danyja». Apublikavanaja baza danych ujaŭlaje saboj śpis imionaŭ usich ludziej, jakija pražyvajuć u Polščy, razam z kolkaściu nośbitaŭ kožnaha imia.
Danyja z rejestru PESEL lepš adlustroŭvajuć realnaść, pakolki hety rejestr uličvaje taksama ludziej, jakija ŭžo paśpieli atrymać polskaje hramadzianstva. U toj čas jak Upraŭleńnie pa spravach zamiežnikaŭ uličvaje tolki tolki zamiežnikaŭ ź dziejučymi dazvołami na pražyvańnie («karty pabytu»).
Ahulnuju kolkaść biełarusaŭ i biełarusak u Polščy možna acanić u 310 tysiač čałaviek.
Anałahičnym čynam analityki Picodi paličyli biełarusaŭ u Polščy za minułyja hady. U 2019 hodzie kolkaść biełarusaŭ u Polščy składała 47,3 tys. čałaviek, što ŭ 6,5 razoŭ mienš, čym u pačatku 2024 hoda (310 tys.).
Samy vialiki pryrost byŭ adznačany za 2021 hod, kali ŭ Polšču pierabrałasia 57,4 tys.čałaviek, i za 2022 hod, kali pryrost skłaŭ bolš za 100 tys. čałaviek.
Čytajcie taksama:
Biełarusy raskazali, jak źmianiłasia ich žyćcio paśla atrymańnia druhoha hramadzianstva
Polskija pamiežniki nie prapuskajuć biełarusaŭ ź vizami PBH biez pracoŭnaha zaprašeńnia ci damovy
«Buduj svajo». Jak možna materyjalna padtrymać biełaruskija inicyjatyvy
