Błohierka, jakaja padpisanaja ŭ tyktoku jak Alona Zarečnaja, raspaviała svaju nie vielmi viasiołuju historyju. Ale ž da situacyi maładaja dziaŭčyna stavicca nie biez aptymizmu:
− Mnie vystavili ček na 20 tysiač rubloŭ — i heta jašče nie kančatkovaja cana. My nie ličym lačeńnie, zamienu starych płombaŭ, karonki i inšaje. My ličym tolki 8 impłantaŭ i 8 karonak na impłanty — voś heta 20 tysiač rubloŭ. Pytańnie: a dzie mnie ŭziać hrošy? Ja znajšła varyjant — kredyt. Tak, mnie pašancavała: u mianie dobraja praca, aficyjnaja zarpłata, dobraja kredytnaja historyja, ja płaciežazdolnaja, moj małady čałaviek płaciežazdolny, u nas jość kvatera.
Błohierka adznačaje, što rasterminoŭki, jakija prapanoŭvajuć stamatałohii (naprykład, pa kartkach «Chałva», «Čarapacha») na 2-6 miesiacaŭ asabliva b nie dapamahli.
− Cana pytańnia vysokaja. Moža, heta cana całkam abhruntavanaja. Ale jość ža ludzi, jakija nie mohuć narmalna žavać, narmalna ŭśmichacca, a hrošaj na stamatałohiju nie majuć. Na žal, niama zaraz takich umoŭ rasterminovak ad stamatałohij, jakija b vyratavali ludziej.
Błohierka adznačyła, što daviedałasia pra isnavańnie kredytu na miedycynskija pasłuhi ad Biełarusbanka, jaki joj nie pasuje, ale dla kahości moža stać varyjantam.
Biełarusbank sapraŭdy vydaje kredyt «na apłatu miedycynskaj dapamohi i pasłuh, nabyćcio miedykamientaŭ, miedycynskaj techniki na terytoryi Biełarusi» − u apisańni paznačana, što im možna karystacca ŭ tym liku i dla apłaty stamatałahičnych pasłuh.
Pracentnaja staŭka pa hetym kredycie składaje 11,5-12,5%. My vykarystali kalkulatar kredytaŭ na sajcie banka dla taho, kab padličyć, jaki dachod treba mieć, kab atrymać u kredyt 20 tysiač rubloŭ na 5 hadoŭ. Kali niama vypłat pa inšych kredytach i alimientaŭ, to tearetyčna dastatkova zarablać kala 1370 rubloŭ na miesiac. Pry hetym vypłačvać kožny miesiac pryjdziecca prykładna 547 rubloŭ. Usiaho za ŭvieś pieryjad karystańnia hrašyma banka daviadziecca pierapłacić 6250 rubloŭ.
Čytajcie taksama:
Nie budź jak Saładucha. Što nie tak z «jadziernym» adbielvańniem zuboŭ
«Karonki dla zuboŭ viaźni rabili sami». Ekśpierty raskazali pra turemnuju miedycynu ŭ Biełarusi
Stamatołah z Kapyla zapiarečyŭ čynoŭnikam: Źnižać ceny — my pacierpim stratu
