Zastaŭka kultavaj hulni Doom, zapuščanaj praz kišačnyja pałački ŭ čorna-biełych piksielach. Fota: Golem.de
Vučonaja z MIT Łaren Ramłan praviała ekśpierymient i zmahła zapuścić staruju hulniu Doom 1993 hoda na zvyčajnych kišačnych pałačkach. Chutkaść hulni pry hetym prymušaje žadać lepšaha, piša niamiecki navukovy partał Golem.de sa spasyłkaj na vučonuju.
Jak adznačaje Ramłan u svajoj navukovaj pracy, hulnia Doom zapuskajecca nie stolki na bakteryjach, a mienavita praź ich.
Daśledčyca manipulavała fłuarescentnymi zdolnaściami kišačnych pałačak pry dapamozie łabaratornaj techniki (u jakuju byŭ zahružany zychodny kod hulni) i zrabiła z hetych bakteryj miniekran, na jakim adlustroŭvałasia čorna-biełaja zastaŭka Doom.
Białki bakteryj pry hetym vykonvali rolu piksielaŭ na miniekranie.
«Usio dziakujučy fłuarescentnym białkam kišačnych pałačak, jakija dapamahajuć vyvodzić vyjavu na ekran, ale vyklučna ŭ čorna-biełym kolery i vielmi maleńkaj razroźnieńniem (ekśpierymientalny ekran z bakteryjami mieŭ razroźnieńnie 32 x 48 piksielaŭ).
Častata kadraŭ u siekundu pry hetym składaje adzin kadr u 8 hadzin 20 chvilin, što dazvolić całkam prajści hulniu tolki za 600 hadoŭ», — paviedamlaje partał Golem.de.
Hetaja prablema, pa słovach vučonaj, moža być vyrašana pry paskareńni pracesu fłuarescencyi białkoŭ bakteryj.
Adznačym, što padobnaje nie źjaŭlajecca čymści dziŭnym, asabliva kali ŭličvać papularny i daŭni suśvietny trend, źviazany z hulnioj Doom 1993 hoda.
Trend kaža: «Doom pracuje na ŭsim».
I tut składana paspračacca, bo ludzi pa ŭsim śviecie raz-poraz prymudrajucca zapuskać hulniu na absalutna roznych pryładach i pradmietach: na aŭtamabilach, kalkulatarach, tostarach, chaładzilnikach, mikrachvaloŭkach, a taksama na vejpach, lampačkach, bienzapiłach i navat na testach na ciažarnaść. Śpis vielmi doŭhi i raznastajny.
Tamu bakteryi stali tolki čarhovym łahičnym źvianom u hetym niastrymnym trendzie.
Čytajcie taksama:
Vyvučeńnie snoŭ: navukoŭcy adkryvajuć novyja kanały suviazi sa śpiačymi ludźmi
U Kitai stvaryli «amal viečnuju» batarejku dla smartfonaŭ. Jana jadziernaja
Budučynia nabližajecca da nas imkliva: dzieviać navukovych praryvaŭ hoda