Sven Vinkie, viadomy kampjutarny dyzajnier i hienieralny dyrektar viadomaj kampanii pa vytvorčaści videahulniaŭ Larian Studios, naviedaŭ cyrymoniju ŭručeńnia premii The Game Awards (TGA) 2023. Dla hučnaha mierapryjemstva Sven abraŭ niezvyčajny harnitur — rycarskija daśpiechi ŭ spałučeńni z soniečnymi akularami.

Śvien Vikie

Fota: forum cdn.9gag.com

Premija prajšła 7 śniežnia. Usiaho za dasiahnieńni ŭ halinie raspracoŭki hulniaŭ sioleta była ŭručana 31 uznaharoda ŭ roznych naminacyjach: ad «Stvaralnika kantentu hoda», «Najlepšaha treniera pa kibiersporcie» da «Najlepšaj rolevaj hulni», «Najlepšaj režysury» i «Najlepšaha siužetu». Hałoŭny pryz dastaŭsia Baldur's Gate — hulni, raspracavanaj firmaj Svena Vinkie. Vierahodna, prykmietny łuk pavinien padkreślić status pieramožcy.

Siužet Baldur's Gate zasnavany na papularnaj nastolnaj rolevaj hulni Dungeons & Dragons (Padziamielli i Cmoki), dziejańnie jakoj adbyvajecca ŭ adnym z najbolš viadomych vydumanych hulniavych suśvietaŭ — Zabytych Karaleŭstvach (Forgotten Realms). Akramia Baldur's Gate na rachunku bielhijskaha raspracoŭščyka i inšyja paśpiachovyja prajekty. Naprykład, sieryja rolevych videahulniaŭ Divinity.

Čytajcie taksama:

Čały pajšoŭ u Bramu Bałdura. Hetuju hulniu fanaty čakali amal 20 hadoŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?