Jak praviła, kamientary źjaŭlajucca pad tymi pastami, śćviardžeńni ŭ jakich treba padtrymać ideałahična «pravilnym» mierkavańniem, albo paśla taho, kali pad jakim-niebudź pastom źjaŭlajecca niehatyŭny kamientar abo mierkavańnie, jakoje nie supadaje z pasyłami prapahandy.
Heta dobra zaŭvažna pa pabliku haziety «Pietrykaŭskija naviny» ŭ sacsietcy «UKantakcie». Kamientar, jaki nie spadabaŭsia redakcyi, tut zvyčajna vydalajuć, ale ŭ adkaz pakidajuć niekalki kamientaroŭ, jakija haniać apanienta, vyśmiejvajuć jaho pazicyju, dublujuć prapahandysckija štampy.
Skrynšot staronki «Pietrykaŭskija naviny» ŭ sacsietcy «UKantakcie»
«Fłahštok» pahladzieŭ, što ź siabie ŭjaŭlajuć troli, jakija pakidajuć kamientary na staroncy pietrykaŭskaj rajonki.
Naprykład, heta karystalnik ź imiem «Luda Nikołajeva». U jaje zakryty profil, ale, jak udałosia vyśvietlić, heta siabra praŭładnaha «Biełaruskaha sajuza žančyn» Ludmiła Batan, jakaja ŭžo stanaviłasia hierainiaj publikacyj rajonnaj haziety. Naprykład, demanstratyŭna ŭskładała kvietki napiaredadni aficyjnaha Dnia niezaležnaści, kazała pra «honar za krainu», «mirnaje nieba» i «ŭpeŭnienaść u zaŭtrašnim dni». Była siabroŭkaj vybarčaj kamisii — jak minimum adnojčy, u 2016 hodzie.
Skrynšot staronki «Pietrykaŭskija naviny» ŭ sacsietcy «UKantakcie»
Taksama siarod kamientataraŭ — Taćciana Rybak, miarkujučy ź infarmacyi na staroncy — supracoŭnica miascovaha adździeła adukacyi.
Adnak bolšaść akaŭntaŭ, ź jakich pakidajuć «patrebnyja kamientary», — fejkavyja. Na ich staronkach niama nijakaj infarmacyi, niama siabroŭ, a padpiska tolki adna — na «Pietrykaŭskija naviny».
Halina Kazak. Fota: jaje staronka ŭ sacsietcy
U toj ža čas adna z tych, chto najbolš aktyŭna «trolić» u pabliku pietrykaŭskaj rajonki — jaje ž hałoŭnaja redaktarka Halina Kazak. Kali ŭ žniŭni 2020-ha jana raźmiaščała na svajoj asabistaj staroncy zaklik «pačuć adno adnaho», to ciapier na mierkavańnie karystalnika «jak možna tak stavicca da hramadzian krainy, kab pazbavić ich mahčymaści mianiać pašpart za miažoj», adkazvaje (arfahrafija i punktuacyja zachavanaja):
«Prijed́, pomieniaj pasport i živi dalšie… A kol hraždaninom RB javlaješsia čisto naminalno i vieśma usłovno… Ja ponimaju o čiem vy: v hraždanie jevropiejskich stran nie bierut, tak pusť choť RB ostanietsia. Tak vot niet, pravilnyj zakon i svojevriemiennyj».
Abo:
«U nas vojna? Hdie???? Razorvať śviaź s Rośsijej?!?! Da v etoj śviazi naša siła!!! Vo vriemiena Sovietskoho Sojuza hlanuť koso v našu storonu bojaliś. A vsie počiemu? Potomu čto v jedinstvie siła!»
Taksama aktyŭna prasoŭvaje štampy prapahandy ŭ kamientarach adkaznaja sakratarka pietrykaŭskaj rajonki Śviatłana Sobaleva. Svaju staronku jana apošnim časam nie abnaŭlaje, ale vykarystoŭvaje jaje ŭ pabliku haziety dla stvareńnia bačnaści masavaj padtrymki režymu.
Čytajcie taksama:
Aficer KDB uklučyŭsia ŭ žyvy efir sieminara pa biaśpiecy ŭ Biełaruskim moładzievym chabie
Udakładniaju. Tamu što SSSR z momantu svajho stvareńnia źjaŭlaŭsia ahresiŭnaj ardoj, jakaja mieła nieabmiežavany i niepatrabavalny da bytavych ŭmovaŭ isnavańnia čałaviečy resurs pry amal što nulavym košcie čałaviečaha žyćcia. Pastupova hetaja arda zachaplała svaich nievialikich susiedziaŭ, naklapała vialičeznuju kolkaść tančykaŭ, jakoj pahražała zachodniaj Jeŭropie, a potym praz raznastajnych zachodnich levakoŭ i inšych karysnych idyjotaŭ skrała technałohiju jadravaj zbroi. I chutka razvaliłasia, kali jaje patreby pierasiahnuli mahčymaści jaje piermanientna nieefiektyŭnaj ekstensiŭnaj ekanomiki.