Skrynšot videa na YouTube-kanale «Śviato-Elisavietinskij monastyŕ»

Skrynšot videa na YouTube-kanale «Śviato-Elisavietinskij monastyŕ»

Andrej Lemiašonak kožny aŭtorak viadzie efir «Hutarki z baciuškam» na YouTube-kanale Śviata-Jelisaviecinskaha manastyra. Dasłać tudy pytańnie moža kožny.

U hety raz niekaha cikaviła tema OnlyFans (heta płatforma, dzie zarablajuć na intymnych fota).

— Daviedaŭsia pra toje, što maja niaviesta — onlifanščyca (darečy, śviataru było ciažka pračytać novaje słova, ale potym jon zrazumieŭ, pra što idzie havorka: «A, heta kali hołymi zdymajucca». — NN). Jak reahavać? Jana kaža, što heta zvyčajnaja praca. Ci možna niejak joj dapamahčy stać na šlach vypraŭleńnia ci treba admianić viasielle? — było pytańnie.

— Nu, pačakajcie.

Siamja nie praduhledžvaje takuju prafiesiju. Razumiejecie? Dziaŭčyna pavinna stać viernaj, cnatlivaj žonkaj. Jana pavinna stać kłapatlivaj maci, haspadyniaj. Nu a heta [OnlyFans] usio ž taki błud,

— adkazaŭ Lemiašonak. — Tamu, kali jana zhodnaja dziela kachańnia da vas źmianić svajo žyćcio, kali jana pojdzie ŭ chram, budzie kajacca ŭ svaich hrachach, to tady, viadoma, treba stvarać siamju. A kali jana skaža «Heta narmalna, tak usio robiać», to nijakaj siamji ŭ vas prosta nie budzie. I vaša viasielle skončycca razvodam. Tamu što pa pładach my spaznajem, razumiejecie?

Siamja — heta cnota. Heta viernaść adno adnamu navat u dumkach. Kali hetaha niama, dyk niama i siamji. Kali jość zdrada, siamja ŭžo razburajecca. Štamp u pašparcie zastajecca, a siemji jak takoj niama. Siamja pabudavana na daviery. A ciapier śviet robić usio, kab razburyć siamju, kab dzieci pakutavali ad hrachoŭ baćkoŭ. I treba abaviazkova viančacca. Božaje błahasłavieńnie abaviazkovaje dla taho, kab była siamja.

I treba zmahacca z płoćciu. Siamja — heta nie prosta cialesnaja ciaha da niejkaha čałavieka, heta adkaznaść, pierš za ŭsio. Heta ŭnutranaja pryhažość, jakuju ŭ vas ubačyŭ inšy čałaviek i pakachaŭ nie za postać, nie za niejkija… em, vočy pryhožyja, a za ŭnutrany źmiest čałavieka.

Voś heta i jość siamja. I kali čałaviek šukaje niejkich efiektaŭ, to ciažka kazać pra siamju.

Čytajcie taksama:

Na Hrodzienščynie pryjšli da onlifanščycy. Jaje zarobak uražvaje

«Čałaviek, jaki viadzie spravu, — moj adnakłaśnik». Onlifanščycu ź Bierastavickaha rajona nie zatrymali, jana dała intervju

Žonka Kamisaranki: Šmat hadoŭ tamu padzarablała vebkam-madellu, ale daravała sabie hetu pamyłku

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?