U hetym domie kala Steły sialiłasia elita. Zaraz tam pradajecca «panskaja kvatera» ź lustrami Swarovski, dźviuma łodžyjami i asobnym kabinietam 14

Hety dzieviacipaviarchovy cahlany dom znachodzicca ŭ cichim centry — na vulicy Hvardziejskaj, 10.

Dom byŭ pabudavany ŭ 1998 hodzie i siudy zasialilisia ŭ tym liku viadomyja na toj momant čynoŭniki, artysty i biznesoŭcy. Dla taho času dom sapraŭdy byŭ elitnym: zakrytaja terytoryja, pryhožyja padjezdy, videanazirańnie, dźvie kvatery na paviersie.

A ciapier tam na prodaž vystavili čatyrochpakajovuju kvateru na piatym paviersie płoščaj amal 155 kvadrataŭ. Unutry — darahaja i niestarejučaja kłasika.

— Dyzajnierski ramont vykanany ŭ kłasičnym styli na zamovu patrabavalnaha haspadara, rabiŭsia dla siabie, — paviedamlajecca ŭ abjavie.

U kvatery italjanskaja mebla i lustry z kryštalami Swarovski, karciny, parkiet, sučasnaja bytavaja technika i elitnaja santechnika.

Haścioŭnia ŭ kvatery sumieščana z kuchniaj i vyhladaje voś tak:

Akramia taho, u kvatery jość dźvie asobnyja spalni. 

A jašče tut jość asobny kabiniet. Vyhladaje prezientabielna.

Što tyčycca sanvuzłoŭ, to ich tut dva. Adzin — naohuł vielizarny pa kvaternych mierkach.

Akramia taho, u kvatery dźvie łodžyi. Vokny vychodziać na roznyja baki.

Kaštuje kvatera 480 tysiač dalaraŭ, heta 3103 dalary za kvadratny mietr.

Čytajcie taksama:

Visiać pa piać hadoŭ. Čamu ŭ «Majaku Minska» stolki niepradadzienych kvater z terasami

«Atmaśfiera raskošy ŭ vieniecyjanskim styli». Takoha doma vy jašče nie bačyli

U centry Minska pradajuć kvateru ź vializnaj terasaj — mnohija jaje paznajuć

6

15

10

7

2

1

Nashaniva.com