Karta: Bi-bi-si
U svaim apošnim paviedamleńni ab evakuacyi pradstaŭnik Sił abarony Izraila zajaviŭ, što mirnyja žychary, jakija ŭsio jašče znachodziacca na poŭnačy Hazy, pavinny adpravicca na poŭdzień u pieryjad z 10:00 da 13:00 pa miascovym časie, paviedamlaje Bi-bi-si.
Pry hetym varta vykarystoŭvać adziny maršrut, jaki prachodzić ad Biejt-Chanuna ŭ bok Chan-Junisa.
U apošnija dni CACHAŁ niekalki razoŭ mianiaŭ čas i maršruty evakuacyi.
Apošni termin pieršapačatkovaha 24-hadzinnaha akna, abvieščanaha ŭ piatnicu, skončyŭsia ŭ subotu dniom. Tady Izrail vyznačyŭ dva maršruty, adzin ź jakich — toj ža samy, jaki adkryjecca siońnia.
Suśvietnaja arhanizacyja achovy zdaroŭja asudziła zahad ab evakuacyi i zajaviła, što dla pacyjentaŭ balnic jon stanie «śmiarotnym prysudam».
Ciapierašni vitok kanfliktu na Blizkim Uschodzie pačaŭsia 7 kastryčnika paśla taho, jak CHAMAS atakavaŭ Izrail.
Čytajcie taksama:
Izrail adkłaŭ naziemnuju apieracyju ŭ siektary Haza z-za nadvorja — NYT
CHAMAS padziakavaŭ Pucinu za pazicyju nakont siektara Haza
Izrailskija zakładniki CHAMAS: najhoršy kašmar dla luboha ŭrada
