Scena sa śpiektakla «Razmovy z katam». Fota: Centrum Kultury w Piasecznie
«Razmovy z katam» Kazimieža Mačarskaha — heta padarožža ŭ hłybini atručanaha ideałohijaj rozumu. Achviara i kat dzieviać miesiacaŭ razam pravodziać razam u ciesnaj turemnaj kamiery, asudžanyja adzin na adnaho rašeńniem stalinskich uładaŭ. Hałoŭnyja hieroi śpiektakla — hieraičny žaŭnier Armii Krajovaj, kamandzir padpolnaj infarmacyjnaj słužby Kazimir Mačarski i niamiecki nacyscki złačyniec, likvidatar Varšaŭskaha hieta Jurhien Stroap.
«Razmovy z katam» pakazvajuć, što z čałaviekam moža zrabić palityčny fanatyzm.
U śpiektakli ŭdzielničajuć Łukaš Levandoŭski ŭ roli Kazimira Mačarskaha, Słavamir Hžymkoŭski ŭ roli Jurhiena Stroapa i Radasłaŭ Asipiuk u roli Hustava Šelkie.
Śpiektakl pryśviečany asudžanamu na vosiem hadoŭ kałonii žurnalistu Andreju Pačobutu i ŭsim palitviaźniam Biełarusi.
Pakaz adbudziecca 9 kastryčnika a 18-j hadzinie ŭ kinateatry «Ton» u Biełastoku. Uvachod volny, kolkaść miescaŭ abmiežavanaja.
