Na fota źleva naprava: Andrej Tarasievič, Aksana Šyrynha, Dzianis Syravatka. Fota: ich staronki va «UKantakcie»
Siarod zatrymanych — namieśnik hałoŭnaha doktara pa miedycynskaj častcy filijała №6 sanatoryja «Praleska» Andrej Tarasievič. Siońnia mužčynu spoŭniłasia 53 hady. Kali vieryć sacsietkam, jon skončyŭ sankt-pieciarburhskuju Vajskova-miedycynskuju akademiju ŭ 1993 hodzie. Doŭhi čas jon pracuje doktaram u Vaŭkavysku. Jamu zakidajuć «raspaŭsiud ekstremisckich materyjałaŭ» (što ciapier zvyčajna aznačaje reposty ź niezaležnych kanałaŭ).
Druhi z zatrymanych — Jahor Dańko. Pracuje jon na «Biełłakcie». Jaho vinavaciać u «paviedamleńniach u padtrymku Ukrainy ŭ telehramie». Zatrymana i jašče adna supracoŭnica «Biełłakta», 39-hadovaja Aksana Šyrynha, za «raspaŭsiud ekstremisckich materyjałaŭ».
Jahor Dańko. Fota: jahonaja staronka va «UKantakcie» (archiŭnaja kopija)
U videa z zatrymanymi pakazali taksama 38-hadovaha Dzianisa Syravatka. Jaho taksama vinavaciać u «raspaŭsiudzie ekstremizmu».
Skrynšot z telehram-kanała hrodzienskaha HUBAZiKa
Imavierna, lik zatrymanych u Vaŭkavysku padčas niadaŭnich abłaŭ idzie na dziasiatki — hubazikaŭcy ŭčora pakazvali piaciarych zatrymanych, ale abiacajuć «praciah historyi».
Pravaabaroncy źviazvajuć aktyŭnaść siłavikoŭ u Vaŭkavysku ź incydentam, jaki adbyŭsia dniami ŭ horadzie. Pa infarmacyi «Viasny», na adnym z vyklikaŭ (bytavaja situacyja, nie źviazanaja z palityčnym pieraśledam) byŭ źbity supracoŭnik milicyi. Paśla hetaha ŭ horad adpravili siłavikoŭ ź Minska i Hrodna, jakija i pačali «začystku».
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Čarhovaja abłava na Homielščynie — HUBAZiK pakazaŭ jašče dzieviać zatrymanych
