Ilustracyjnaje fota: «Naša Niva»
Mnohija artykuły Kodeksa ab administracyjnych pravaparušeńniach (KaAP), jakija rehulujuć adkaznaść kiroŭcaŭ za parušeńni praviłaŭ darožnaha ruchu, pakidajuć inśpiektaram prastoru dla samastojnaha pryniaćcia rašeńnia — adbirać pravy abo nie adbirać i abmiežavacca štrafam.
Jak infarmujuć «Našu Nivu» supracoŭniki milicyi, ź niadaŭniaha času inśpiektaram DAI daviedziena adbirać pravy va ŭsich vypadkach, kali KaAP heta dazvalaje.
Pryčyna, nibyta, u tym, što ŭ krainie vyrasła kolkaść DTZ sa śmiarotnym vynikam, a taksama kolkaść parušeńniaŭ (što, mahčyma, tłumačycca pavieličeńniem prafiłaktyčnych mierapryjemstvaŭ).
Zhodna z Kancepcyjaj zabieśpiačeńnia biaśpieki darožnaha ruchu maksimalnaja hadavaja śmiarotnaść na darohach, da jakoj imkniecca DAI — 450 śmierciaŭ na hod. U 2022-m na darohach zahinuli 466 čałaviek.
Čytajcie taksama: Vyniesieny prysud kiroŭcu MAZa, abvinavačanaha ŭ hibieli 13 čałaviek u DTZ pad Smalavičami
