Telehram-kanał HUBAZiKa paviedamiŭ, što zatrymali načalnika adździeła pravavoj, kadravaj i arhanizacyjnaj raboty respublikanskaha pradpryjemstva «Prajektny instytut Biełhipraziem». Na sajcie ŭstanovy načalnikam hetaha adździeła paznačany Alaksandr Savin, piša «Lusterka».
Skrynšot ź videa
Siłaviki prymusili mužčynu vymavić na kamieru słovy pra toje, što jon naziraŭ za akcyjami pratestu, zdymaŭ toje, što adbyvajecca i spačuvaŭ pratestoŭcam, a taksama zarehistravaŭsia ŭ płanie «Pieramoha» i byŭ padpisany na «destruktyŭnyja» telehram-kanały.
U podpisie da videa hubazikaŭcy znoŭ robiać akcent na zarobkach zatrymanych. Pa ich łohicy, dobraja apłata pracy — heta padstava dla taho, kab maŭčać.
Raniej na «Biełhipraziemie» aryštam i zvalnieńniam padvierhlisia nie mienš za dziesiać čałaviek.