Siaredniehadavyja zarobki ŭ Jeŭropie i ZŠA. Amierykancy stabilna bahaciejuć z 2008 hoda, a jeŭrapiejcy — nie. Krynica vyjavy: Organisation for Economic Co-operation and Development
Francuzy jaduć mienš fua-hra i pjuć mienš čyrvonaha vina. Finaŭ zaklikajuć naviedvać saŭny ŭ vietranyja dni, kali enierhija tańniejšaja. U Hiermanii spažyvańnie miasa i małaka za apošnija try dziesiacihodździ ŭpała da samaha nizkaha ŭzroŭniu. Žyćcio na kantyniencie, jakomu inšyja doŭhi čas zajzdrościli za jaho art de vivre, chutka hublaje svoj blask, bo jeŭrapiejcy bačać, jak ich pakupnaja zdolnaść źmianšajecca.
Reakcyja ŭradaŭ tolki pahoršyła prablemu. Kab zachavać pracoŭnyja miescy, jany nakiravali svaje subsidyi najpierš pracadaŭcam, pakinuŭšy spažyŭcoŭ biez hrašovaj paduški biaśpieki. U toj ža čas amierykancy, naadvarot, zdabyli vyhadu ź niedarahoj enierhii i dziaržaŭnaj dapamohi, nakiravanaj u pieršuju čarhu prostym ludziam.
Ekanomika Jeŭropy i ZŠA
Pavodle źviestak Arhanizacyi ekanamičnaha supracoŭnictva i raźvićcia (u jaje ŭvachodziać 38 krain, u asnoŭnym bahatych), na Jeŭrapiejski sajuz ciapier prypadaje kala 18% usich suśvietnych spažyvieckich vydatkaŭ u paraŭnańni z 28% na Amieryku. Z papraŭkaj na inflacyju i pakupnuju zdolnaść zarobki źmienšylisia prykładna na 3% z 2019 hoda ŭ Hiermanii, na 3,5% — u Italii i Ispanii i na 6% — u Hrecyi. Za toj ža pieryjad realny zarobak u ZŠA vyras prykładna na 6%.
Pavodle źviestak Mižnarodnaha valutnaha fondu, ekanomika Jeŭrazony vyrasła prykładna na 6% za apošnija 15 hadoŭ u dalaravym vyražeńni ŭ paraŭnańni z 82% u ZŠA. Pryčym u jeŭrazonie amal uvieś rost prypaŭ na krainy Centralnaj Jeŭropy, jakija niadaŭna ŭstupili ŭ ES, akurat jany imkliva dahaniajuć «staruju Jeŭropu» pa ŭzroŭni žyćcia i dachodaŭ.
Vałavy ŭnutrany pradukt. Ekanomika Amieryki amal u dva razy pieravyšaje ekanomiku Jeŭrazony. U 2008 hodzie jany byli padobnyja. Krynica vyjavy: International Monetary Fund
Kali ciapierašniaja tendencyja zachavajecca, u 2035 hodzie razryŭ pamiž abjomam vytvorčaści na dušu nasielnictva ŭ ZŠA i ES budzie takim ža vialikim, jak siońnia pamiž Japonijaj i Ekvadoram.
Uličvajučy, što jeŭrapiejskim uradam nieabchodna pavialičyć vydatki na abaronu, ekanamisty čakajuć, što ŭ Jeŭropie taksama vyrastuć i padatki, što pavialičyć cisk na spažyŭcoŭ. Miž tym padatki ŭ Jeŭropie ŭžo vysokija i składajuć kala 40—45% VUP u paraŭnańni z 27% u ZŠA.
Ceny na pradukty
Niemcy letaś spažyvali 52 kiłahramy miasa na čałavieka, što prykładna na 8% mienš, čym u papiarednim hodzie — i heta samy nizki ŭzrovień z momantu pačatku zboru statystyki ŭ 1989 hodzie. Choć u niejkaj stupieni heta stała vynikam rostu papularnaści viehietaryjanstva, zdarovaha charčavańnia i dumki pra dabrabyt žyvioł, ekśpierty kažuć, što hetaja tendencyja paskoryłasia i z-za rostu cen na miasa.
Spažyvieckija vydatki. Amierykancy traciać usio bolej, tady jak raschody jeŭrapiejcaŭ nie pavyšajucca. Krynica vyjavy: World Bank
Pakazalna, što mienavita ŭ Jeŭropie źjaviłasia šmat inicyjatyŭ pa prodažy praterminavanych praduktaŭ za paŭcany. Heta sposab skaracić kolkaść charčovych adkidaŭ, a taksama aščadzić hrošy.
TooGoodToGo — kampanija, zasnavanaja ŭ Danii ŭ 2015 hodzie, jakaja pradaje reštki ježy z roźničnych mahazinaŭ i restaranaŭ — maje 76 miljonaŭ zarehistravanych karystalnikaŭ pa ŭsioj Jeŭropie, što prykładna ŭ try razy bolš, čym na kaniec 2020 hoda.
Jeŭrapiejcy addajuć pieravahu volnamu času, a nie vysokim zarobkam
Jeŭrapiejcy ceniać svoj volny čas, jaki addajuć siamji, chobi, hatavańniu ježy i špacyram. Mnohija nie hatovyja pierapracoŭvać dla taho, kab atrymać bolš vysoki zarobak.
Jeŭrapiejcy ahułam pracujuć mienš, čym amierykancy, heta ŭžo ŭvajšło ŭ zvyčku.
Niamiecki prafsajuz IG Metall — adzin z najbujniejšych prafsajuzaŭ śvietu, jaki naličvaje bolš za dva miljony čałaviek i abjadnoŭvaje rabotnikaŭ mietałurhičnaj, tekstylnaj, drevaapracoŭčaj i płastmasavaj pramysłovaści — zaklikaje da čatyrochdzionnaha pracoŭnaha tydnia pry ciapierašnim uzroŭni zarabotnaj płaty, a nie da pavyšeńnia zarabotnaj płaty. Čynoŭniki kažuć, što bolš karotki tydzień palepšyć zdaroŭje i jakaść žyćcia rabotnikaŭ, a taksama zrobić halinu bolš pryvabnaj dla maładych rabotnikaŭ. Adnak apytańnie, praviedzienaje instytutam Forsa, pakazała, što za čatyrochdzionny pracoŭny dzień vykazalisia 42 pracenty niemcaŭ, a suprać — 55.
Čytajcie jašče:
Bujnyja handlovyja sietki — fabryka stvareńnia adkidaŭ. I jany ŭparciacca
