Pa spravie prachodzić 18 abvinavačvanych, ź jakich 15 čałaviek znachodziacca pad vartaj. Siarod ich — siamja Vajciachovičaŭ z čatyroch čałaviek, Volha Pietuch, Siarhiej Lisoŭski. Taksama zavočna sudziać eks-restaratara Vadzima Prakopjeva i dvuch byłych siłavikoŭ.
Dziaržaŭnaje abvinavačańnie, jakoje pradstaŭlaje ŭ tym liku Maksim Čuprys, 6 červienia zaprasiła fihurantam spravy ad 2 da 25 hadoŭ kałonii. Pa spravie prachodzić šmat byłych siłavikoŭ, tamu prakuror prapanoŭvaje pazbavić ich vajskovych zvańniaŭ.
Spravu pavodle 14 artykułaŭ Kryminalnaha kodeksa razhladaje Siarhiej Chrypač. Tekst abvinavačańnia zajmaje 136 staronak.
Prysud budzie abvieščany 21 červienia ŭ 10:30 u adkrytym režymie ŭ budynku suda Maskoŭskaha rajona Minska.
0
0
0
0
0
5
