Salist rasijskaha hurta «Niesčastnyj słučaj» zapisaŭ videavybačeńnie palicejskamu, jakomu pakazaŭ «nieprystojny žest» paśla sarvanaha kancerta 3

Alaksiej Kortnieŭ u dziciačaj balnicy. Fota: Michaił Ciareščanka / pravmir.ru

56-hadovy Kortnieŭ zajmaje antyvajennuju pazicyju, paśladoŭna krytykuje rasijskija ŭłady za vajnu va Ukrainie. Niekalki kancertaŭ jaho hrupy było admieniena. U lutym kancert u Novasibirsku byŭ sarvany supracoŭnikami palicyi i MNS pad padstavaj zadymleńnia ŭ susiednim pamiaškańni.

Paśla zryvu vystupu Kortnieŭ byŭ zatrymany. Tady jon pakazaŭ palicejskamu žest, za jaki ciapier vybačajecca. Suprać muzyki była zaviedziena kryminalnaja sprava pa artykule ab abrazie pradstaŭnika ŭłady, piša rasijskaja słužba «Radyjo Svaboda».

U Śledčym kamitecie rasśledavańniem zdareńnia zajmaŭsia adździeł asabliva važnych spraŭ. Maksimalnaje pakarańnie pa hetym artykule — da hoda papraŭčych rabot.

Kortnieŭ nazyvaŭ pieraśled niezasłužanym.

Čytajcie taksama:

«Lubimy hurt Pucina» za čas vajny atrymaŭ ad uładaŭ vielizarnyja hrošy. Heta bolš, čym za papiarednija vosiem hadoŭ

U Kazachstanie admianili kancert Ryhora Lepsa paśla taho, jak jon paabiacaŭ płacić pa miljonie rasijskich rubloŭ za kožny padbity ŭkrainski tank

U Biškieku admianili kancert «Bi-2»

2

4

0

0

2

8

Nashaniva.com