Hienprakuror Andrej Švied. Fota: Hieprakuratura
Pavodle Švieda, «analiz materyjałaŭ kryminalnych spraŭ pakazaŭ, što bajavym jadrom tych, chto vyjšaŭ na vulicu i pačaŭ ździajśniać hvałtoŭnyja dziejańni ŭ dačynieńni da supracoŭnikaŭ pravaachoŭnych orhanaŭ, akazalisia nieanacysty».
Švied kaža, što dla jaho było «vielmi niepryjemnym adkryćciom, što asnoŭnaja častka hetych nieanacystaŭ — biełarusy».
Pavodle Švieda, «karcina vyhladała nastupnym čynam:
jak minimum 10 hadoŭ značnaja častka maładych chłopcaŭ i dziaŭčat nie tolki byli nośbitami nacysckaj ideałohii, ale i prajšli navučańnie ŭ łahierach na terytoryi Prybałtyki i Ukrainy».
Švied kaža, što nacyzm, jaki byŭ u hady vajny, i toj, jaki majem ciapier u XXI stahodździ, — heta ŭ pryncypie adno i toje ž. «Voś jaki sapraŭdny tvar tych, chto pajšoŭ zrynać zakonnuju ŭładu ŭ 2020 hodzie», — reziumuje Švied.
Paśla vybaraŭ 2020 hoda, u jakich, pa danych naziralnikaŭ, Łukašenka atrymaŭ parazu, ale CVK abviaściła jaho pieramožcam, na pratesty ŭ krainie vyjšli sotni tysiač čałaviek. Heta byli samyja masavyja akcyi ŭ historyi krainy. Ułady padavili ich masavymi represijami, jakija praciahvajucca da hetaj pary.
Čytajcie taksama:
Chvala emihracyi ŭ 2021—2023 hadach — samaja vialikaja ŭ historyi Biełarusi. Ličby