Fota: Cristophe Ena / AP
Zakanadaŭcy jašče dva hady tamu prahałasavali za prapanovu admianić avijarejsy na maršrutach, dzie hety ž šlach možna prajechać na ciahniku ŭ miežach dźviuch z pałovaj hadzin, piša Bi-bi-si.
Zaraz, da prykładu, samaloty nie buduć lotać z Paryža ŭ Nant, Lijon ci Bardo, adnak krytyki zabarony ŭžo nazvali jaje simvaličnaj.
Jak zajaviŭ žurnalistam ahienctva AFP v. a. kiraŭnika halinovaj hrupy Airlines for Europe (A4E) Łaran Dansiel, zabarona na takija pieraloty akaža tolki minimalny efiekt na vykidy CO2.
Pavodle jaho słoŭ, zamiest takich zabaron uradu varta było b padtrymać bolš realistyčnyja padychody da vyrašeńnia hetaj prablemy.
Pandemija karanavirusa mocna ŭdaryła pa avijapieravozčykach va ŭsim śviecie. Pa danych veb-sajta Flightradar24, jaki adsočvaje ŭsie kamiercyjnyja rejsy, u minułym hodzie kolkaść pieralotaŭ skaraciłasia ŭ paraŭnańni z dakavidnym 2019 hodam na 42%.
Miž tym ad francuzskich uład patrabavali jašče bolš strohich mier pa źnižeńni vykidaŭ dvuchvokisu vuhlarodu.
Stvoranaja ŭ tym ža 2019 hodzie prezidentam Makronam Hramadzianskaja kanviencyja pa klimacie, pad jakoj padpisalisia 150 pradstaŭnikoŭ francuzskaj hramadskaści, prapanoŭvała zabaranić usie avijarejsy, jakija možna było zamianić pajezdkaj na ciahniku ŭ miežach čatyroch hadzin.
Adnak u kančatkovym vyniku paśla piarečańniaŭ niekatorych rehijonaŭ i avijakampanii Air France-KLM spynilisia na ličbie dźvie z pałovaj hadziny.
Čytajcie taksama:
Upieršyniu Biełaruś zapuściła avijarejs za Palarnaje koła
Kudy i adkul ciapier latajuć biełarusy na adpačynak u Jeŭropu
Jeŭrakantrol sprahnazavaŭ, kolki budzie zakrytaje nieba nad Biełaruśsiu
