Śviatłana Cichanoŭskaja ŭpieršyniu vystupiła na PA NATA. Fota: Ofis Cichanoŭskaj
Cichanoŭskaja nahadała pra siońniašni Dzień salidarnaści ź biełaruskimi palitviaźniami, zaklikała deputataŭ padtrymać palityčnych źniavolenych u Biełarusi.
Jana raspaviała pra situacyju z Babarykam, Bialackim, Cichanoŭskim, paprasiła ab dapamozie biełaruskim dobraachvotnikam, jakija vajujuć va Ukrainie, nahadała pra suviaź Biełarusi i Ukrainy, nieabchodnaść padtrymlivać tych, chto zmahajecca ŭ abiedźviuch krainach.
Taksama Cichanoŭskaja ŭźniała prablemu raźmiaščeńnia jadziernaj zbroi ŭ Biełarusi jak pahrozy nie tolki niezaležnaści krainy, ale i biaśpiecy ŭ rehijonie, zaklikała deputataŭ hetaha nie dapuścić.
Jana zaklikała prymać miery i dla pryciahnieńnia režymu da adkaznaści za vykradańnie ŭkrainskich dziaciej i vyvazu ich na biełaruskuju terytoryju.
Cichanoŭskaja raspaviała pra nieabchodnaść umacoŭvać mižnarodnuju prysutnaść demakratyčnych siłaŭ i delehimityzavać režym Łukašenki tam, dzie heta mahčyma.
Pry kancy vystupu lidarka demakratyčnych sił vykazała nadzieju na toje, što Biełaruś budzie nadziejnym partnioram Jeŭrasajuza i krain NATA, budzie vykonvać svaje abaviazalnictvy i nie nieści pahrozy.
Cichanoŭskaja prezientavała piacikrokavy płan vyvadu krainy z-pad zaležnaści Rasii. U tym liku, jon praduhledžvaje vychad Biełarusi z Sajuznaj dziaržavy, ADKB i supracoŭnictva ź jeŭrapiejskimi strukturami i mižnarodnymi arhanizacyjami, u pryvatnaści, ustupleńnie ŭ Radu Jeŭropy.
Heta pieršy vystup Cichanoŭskaj na PA NATA.
