Fota: vaticannews.va
Heta druhaja asabistaja sustreča Papy ź Zialenskim paśla aŭdyjencyi ŭ 2020 hodzie i pieršaja paśla pačatku vajny va Ukrainie, paviedamiła pres-słužba Vatykana.
Padčas sustrečy ŭ asnoŭnym abmiarkoŭvalisia humanitarnyja pytańni. Francišak zapeŭniŭ Zialenskaha ŭ svaich pastajannych malitvach za mir pačynajučy ź lutaha minułaha hoda.
Pry kancy sustrečy Papa padnios u dar Zialenskamu simvał miru — bronzavuju aliŭkavuju halinku, a taksama niekalki knih i dakumientaŭ.
Uładzimir Zialenski, sa svajho boku padaryŭ Śviatomu Ajcu mastackuju kampazicyju, zroblenuju ź plity broniekamizelki, jakaja vyratavała žyćcio ŭkrainskamu sałdatu na poli boju, a taksama karcinu pad nazvaj «Strata», pryśviečanuju zabojstvu dziaciej padčas kanfliktu: na joj Maci Božaja trymaje na rukach ciomny kontur Dziciatka Jezusa.
Čytajcie taksama:
Zialenski sustreŭsia ŭ Italii z prezidentam krainy
«I tut ja vyjšaŭ ź siabie». Na błasłavieńnie Papy Franciška prynieśli sabaku
Papa Francišak: Finansavyja skandały škodziać dobramu imieni Kaścioła
(Cytata z UP):