Sumny Łukašenka na paradzie ŭ Maskvie. Kadr ź videa
Jak stała viadoma «Našaj Nivie», va ŭmovach zasakrečanaści stanu zdaroŭja Łukašenki, u kołach jaho namienkłatury pašyrajecca viersija pra virus, jaki adoleŭ palityka razam ź jaho atačeńniem.
«Tam z najbližejšaha akružeńnia jašče niekalki čałaviek zachvareła i zvaliłasia z noh. Nakolki ja razumieju, heta niešta virusnaje», — skazaŭ «Našaj Nivie» surazmoŭca, blizki da słužby łukašenkaŭskaha pratakoła.
Na karyść hetaj viersii moža śviedčyć i toje, što, uručajučy ŭznaharody pradstaŭnikam represiŭnaha aparatu 5 maja, Łukašenka ŭžo byŭ asipły.
«Kali heta hryp, to mohuć być uskładnieńni, kali nie lačyć, jak maje być. Dumajem, tak», — dadaŭ surazmoŭca.
Prapahanda nijak nie kamientavała źniknieńnie Łukašenki i jaho chvaravity vyhlad. Pres-słužba Łukašenki, jakaja viadzie kanał «Puł pieršaha», apošnija dni publikuje abstraktnyja rečy, nie pakazvajučy svajho načalnika.
Čytajcie taksama:
Łukašenka nie vystupiŭ z pramovaj na płoščy Pieramohi ŭpieršyniu za čas svajho kiravańnia
