Raman Pratasievič. Fota: BiełTA
Pravaabaroncy «Viasny» tłumačać:
«Chatni aryšt — heta miera strymańnia da ŭstupleńnia prysudu ŭ siłu, tamu pakinuć Pratasieviča adbyvać termin pad chatnim aryštam niemahčyma. Bo niama takoha vidu pakarańnia, jak chatni aryšt. Kali prysud ustupić u zakonnuju siłu, to tady Raman budzie źmieščany pad vartu».
Adbyvać pakarańnie, zhodna z prysudam, Pratasievič budzie ŭ papraŭčaj kałonii va ŭmovach uzmocnienaha režymu.
Pratasievič, a taksama inšyja abvinavačanyja pa spravie — Jan Rudzik i Ściapan Puciła — mohuć abskardzić prysud ciaham 10 dzion z momantu vyniasieńnia. Taksama za hety čas pratest moža vynieści prakuror.
«Kali heta budzie zroblena (budzie padadziena ci apielacyja, ci pratest, ci i toje, i toje), to prysud nie ŭstupaje ŭ zakonnuju siłu, i treba budzie čakać razhladu apielacyi abo pratestu. Paśla novaha suda ŭ vyšejšaj instancyi prysud adrazu ŭstupaje ŭ zakonnuju siłu.
Kali ciaham 10 dzion ni adzin z bakoŭ nie padaść apielacyju ci pratest, prysud ustupić u zakonnuju siłu», — kamientujuć u «Viaśnie».
Tak jak Ramana Pratasieviča sudzili ŭ abłasnym sudzie, to nastupnaja instancyja — Viarchoŭny sud. Rašeńnie Viarchoŭnaha suda kančatkovaje.
Čytajcie taksama:
Ramanu Pratasieviču dali 8 hadoŭ kałonii. Ale pakul pakinuli pad chatnim aryštam
Były palitviazień z navapołackaj kałonii raskazaŭ, jakoha kampramisu patrabavali ad Babaryki