Raman Pratasievič na abviaščeńni prysudu. Fota: BiełTA
Prakuror prasiła dla Pratasieviča 10 hadoŭ kałonii ŭzmocnienaha režymu. Prysud Puciłu i Rudziku byŭ taki, jak i prasiła prakuror Natalla Sakałova. Pratasievič pryjšoŭ u sud z rečami, ale jaho pakul nie ŭziali pad vartu, sud pakinuŭ chatni aryšt da razhladu apielacyi.
Sud pryznaŭ pazoŭ namieśnika hienieralnaha prakurora Biełarusi na sumu blizu 30 miljonaŭ rubloŭ, jaho razhledziać asobna, u paradku hramadzianskaha sudavodstva, piša «Sputnik».
Sud pa spravie Nexta pačaŭsia 16 lutaha.
Paviedamlałasia, što aŭtaram Nexta stavicca ŭ vinu nie mienš za 1586 złačynstvaŭ pavodle dziasiatka artykułaŭ Kryminalnaha kodeksa, u tym liku:
— raspalvańnie sacyjalnaj varožaści (č. 3 art. 130 KK Biełarusi);
— arhanizacyja masavych biesparadkaŭ, navučańnie i inšaja padrychtoŭka asob dla ŭdziełu ŭ ich (č. 1 i č. 3 art. 293 KK Biełarusi);
— arhanizacyja hrupavych dziejańniaŭ, jakija hruba parušajuć hramadski paradak, spałučanych ź vidavočnym niepadparadkavańniem zakonnym patrabavańniam pradstaŭnikoŭ ułady, navučańnie i inšaja padrychtoŭka asob dla ŭdziełu ŭ ich (č. 1 i č. 2 art. 342 KK Biełarusi);
— publičnyja zakliki da zachopu dziaržaŭnaj ułady, akta teraryzmu, inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś (č. 3 art. 361 KK Biełarusi);
— stvareńnie ekstremisckaha farmavańnia i kiravańnie im (č. 1 art. 361-1 KK Biełarusi);
— paklop i publičnaja abraza Łukašenki (č. 2 art. 367, č. 2 st. 368 KK Biełaruś).
Akramia taho, Puciłu i Rudzika ŭ roznym spałučeńni abvinavacili ŭ ździajśnieńni nastupnych złačynstvaŭ:
— zmova z metaj zachopu dziaržaŭnaj ułady niekanstytucyjnym šlacham (č. 1 art. 357 KK Biełarusi);
— finansavańnie ekstremisckaj dziejnaści (č. 2 art. 361-2 KK Biełarusi);
— dyskredytacyja Respubliki Biełaruś (art. 369-1 KK Biełarusi).
Hienprakuraturaj u intaresach dziaržavy zajaŭleny pazoŭ na bolš čym 30 miljonaŭ rubloŭ.
Raman Pratasievič pryznaŭ vinu. U apošnim słovie kajaŭsia i prasiŭ nie pazbaŭlać jaho voli, zajaŭlaŭ, što paplečniki jaho vykarystali i zdali biełaruskim uładam. Taksama jon asprečvaŭ pamier škody i toje, što byŭ kiraŭnikom ekstremisckich arhanizacyj.
Raman Pratasievič byŭ zatrymany razam z Safijaj Sapiehaj 23 maja ŭ vyniku prymusovaj pasadki ŭ Minsku samalota Ryanair rejsam Afiny — Vilnia. Niejki čas znachodziŭsia ŭ SIZA, a zatym pad chatnim aryštam.
Čytajcie taksama:
Pratasievič u apošnim słovie kajaŭsia i prasiŭ nie pazbaŭlać jaho voli
