Choć videa vyjšła tolki siońnia, ale adnym z pakazanych tam ludziej akazaŭsia Viktar Łamieka. Pavodle «Viasny», mužčynu zatrymali jašče 29 sakavika (jon užo pryznany palitviaźniem).
Viktar Łamieka. Fota: jaho staronka «Ukantakcie»
Viktar — pradprymalnik z Zelvy, jamu 54 hady. Spačatku jamu dali 1800 rubloŭ štrafu za «raspaŭsiudžvańnie ekstremisckich materyjałaŭ», ale paźniej vystavili abvinavačańnie ŭ «paklopie na Łukašenku». Pakul Viktar byŭ u SIZA, u jaho pamierła maci.
Raniej mužčyna byŭ aktyŭny ŭ kołach pradprymalnikaŭ i abaraniaŭ ich u sudach, a taksama sudziŭsia z padatkovaj. Ciapier jaho ŭtrymlivajuć u SIZA-6 u Baranavičach.
David Aćman. Fota: jaho staronka «Ukantakcie»
Taksama siarod zatrymanych — były čempijon Jeŭropy pa karate-kiokusinkaj, 30-hadovy hrodzieniec David Aćman. Ën zavajavaŭ čempijonski tytuł u 2021 hodzie. Mužčyna vałodaŭ fitnes-kłubam «Tytan», a praŭładnyja ŚMI jašče niadaŭna nazyvali jaho «vołatam z Hrodna».
Alaksandr «Syr» Syraježka. Fota: budzma.by
Jašče adnym zatrymanym staŭ Alaksandr «Syr» Syraježka. Jon były muzyka słavutych hrodzienskich hurtoŭ «KalJan» i Dzieciuki.
Akramia ich, pakazanyja jašče čaćviora zatrymanych. HUBAZiK śćviardžaje, što heta tolki častka tych, da kaho pryjšli padčas začystki.
Ci na voli ciapier častka zatrymanych ludziej, nie paviedamlajecca.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia kala 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja navat samyja bazavyja normy zakonnaści i marali.
Kali majecie važnuju dla ŭsich infarmacyju, pišycie redaktaru «Našaj Nivy» ŭ TH, na [email protected] ci [email protected].
Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Mužčynu zatrymali za ściažki Ukrainy i Biełarusi va ŭłasnym aŭto
Za kamientary zatrymali ajcišnika, jaki vydaliŭ telehram-akaŭnt paŭtara hoda tamu. Voś jak jaho znajšli
