Rak ratahłotki čaściej za ŭsio sustrakajecca ŭ tych, chto praktykuje aralny seks sa šmatlikimi partniorami. Fota: Wikimedia Commons
Navukovaje vydańnie The Conversation 25 krasavika apublikavała daśledavańnie, u jakim adznačajecca rezki rost zachvorvańnia na rak horła siarod žycharoŭ ZŠA i Vialikabrytanii. Pakazčyki rostu za apošnija dziesiacihodździ ctali nastolki vysokimi, što niekatoryja śpiecyjalisty nazyvajuć heta sapraŭdnaj epidemijaj.
Havorka idzie pra asablivy typ raku — rak ratahłotki, jaki paražaje mindaliny i zadnija ścienki horła. Dadzieny typ raku ŭ asnoŭnym vyklikajecca virusam papiłomy čałavieka (VPČ), jaki zdolny pieradavacca tolki pałavym šlacham.
Pry hetym u daśledavańni adznačajecca, što rak ratahłotki čaściej za ŭsio raźvivajecca mienavita ŭ tych, chto praktykuje aralny seks sa šmatlikimi partniorami.
«Asnoŭnym faktaram raźvićcia raku ratahłotki źjaŭlajecca kolkaść pałavych partnioraŭ na praciahu žyćcia, jakija praktykujuć aralny seks. U tych, chto maje šeść i bolš takich partnioraŭ, imaviernaść raźvićcia raka ratahłotki ŭ 8,5 razoŭ vyšejšaja, čym u tych, chto ŭvohule nie zajmajecca aralnym seksam», — piša navukovaje vydańnie The Conversation.
Niahledziačy na toje, što VPČ paśla traplańnia ŭ čałaviečy arhanizm z časam zvyčajna vykaraniajecca samastojna, u niekatorych ludziej z-za słaboha imunitetu virus zastajecca, i pry hetym moža pieradavacca inšym ludziam i vyklikać rak.
Vakcyny ad VPČ isnujuć, ale mała chto imi pryščaplajecca.
Statystyka pakazvaje, što mužčyny, jakija praktykujuć kunilinhus i časta mianiajuć partniorak, — asnoŭnaja hrupa ryzyki.
Čytajcie taksama:
Usplosk anhin: jak zaścierahacca
Navukoŭcy: Hiel-łak dla paznohciaŭ moža vyklikać mocnuju alerhiju i być niebiaśpiečny dla zdaroŭja
krychu adpuściła
chaj addychaje pakul Ryša