Maryna Adamovič i Mikałaj Statkievič u žniŭni 2015 hoda. Statkievič tolki vyzvaliŭsia z turmy, dzie byŭ sa śniežnia 2010 hoda
«1030 dzion za kratami. 75 dzion nieviadomaści», — napisała ŭčora Maryna Adamovič pra svajho muža Mikałaja Statkieviča. Dva z pałovaj miesiacy pra jaje muža niama źviestak.
Žonka palitviaźnia raniej pisała, što nie tolki nie atrymlivaje listoŭ ad Statkieviča, ale i nie maje adkazaŭ ad aficyjnych instancyj, kudy jana taksama dasyłaje zvaroty.
«Vierahodna, adziny «zakon», jaki dziejničaje, heta — «inohda nie do zakonov». Apošnija siły sychodziać nie na toje, kab žyć, a na toje, kab nie klaści. Jany sami z hetym spraviacca. Usio minaje, a duša bieśśmiarotnaja. Pakul ja pra heta pamiataju. Ale vielmi ciažka», — pisała jana.
Mikałaja Statkieviča zatrymali 31 maja 2020 hoda, za dva miesiacy da prezidenckich vybaraŭ. U śniežni 2021 hoda jaho asudzili na 14 hadoŭ pazbaŭleńnia voli va ŭmovach uzmocnienaha režymu, termin jon adbyvaje ŭ hłybockaj kałonii ŭ adzinočnaj kamiery. Palityku 66 hadoŭ.
Taksama doŭhi čas niama źviestak pra Ihara Łosika, Maksima Znaka, Viktara Babaryku.
Čytajcie taksama:
Padobna, što Statkievič, Znak i Łosik praciahły čas znachodziacca ŭ ŠIZA — pravaabaroncy
Svajaki Dzianisa Ivašyna atrymlivajuć pahrozy za infarmacyju pra palitźniavolenaha
U navukoŭca Ihara Bortnika za kratami značna pahoršyŭsia stan zdaroŭja
