Dermatołahi ŭžo daŭno zabili tryvohu, paviedamiŭšy, što novyja pacyjenty z surjoznymi alerhičnymi reakcyjami na hielevyja i akryłavyja pradukty dla paznohciaŭ prychodziać da ich praktyčna štotydzień.
Siarod simptomaŭ — raschistvańnie i navat vypadzieńnie paznohciaŭ, a taksama prablemy sa skuraj na palcach ruk, syp, a ŭ najbolš surjoznych vypadkach — ciažkaści z dychańniem.
Doktar Dejdra Bakli z Brytanskaj asacyjacyi dermatołahaŭ zaklikała naohuł admovicca ad hiela i viarnucca da «staramodnych» łakaŭ i nie karystacca naborami dla naniasieńnia hiel-łaku na paznohci ŭ chatnich umovach.
U apošnija hady papularnaść hiel-łakaŭ rezka ŭzrasła, tamu što jany trymajucca značna daŭžej za zvyčajnyja łaki. Zastyvajuć jany tolki pad ultrafijaletavym śviatłom. I voś tut uźnikajuć składanaści, tamu što UF-lampy adroźnivajucca adna ad adnoj i padychodziać daloka nie dla ŭsich hielaŭ.
U ideale mahutnaść lampy pavinna składać 42 Vt (ci chacia b nie mienš za 36 Vt) z daŭžynioj chvali ŭ 350 nanamietraŭ. U advarotnym vypadku akryłaty, jakija vykarystoŭvajucca dla zaćviardzieńnia hielu, nie vysychajuć naležnym čynam, pranikajuć pad paznohci i ŭ skuru, vyklikajučy razdražnieńnie i alerhii.
U redkich vypadkach alerhičnyja reakcyi vyklikajuć ustojlivuju niepieranosnaść lubych praduktaŭ, jakija źmiaščajuć akryłaty, jak to: zubnyja płomby, štučnyja sustavy i niekatoryja leki ad dyjabietu, što značna ŭskładniaje nastupnaje lačeńnie hetych zachvorvańniaŭ.
«Ludzi nie razumiejuć, — skazała doktar Bakli, — što niapravilnaje vykarystańnie hielu dla paznohciaŭ moža pryvieści da prablem sa zdaroŭjem, jakija nie majuć z paznohciami ničoha ahulnaha».
Pieršyja hielevyja pradukty dla paznohciaŭ byli stvoranyja ŭ 2009 hodzie amierykanskaj firmaj Gelish. Jaje hienieralny dyrektar Deni Chiejł adznačyła, što choć ich kampanija robić usio mahčymaje, kab pravilna siertyfikavać svaju pradukcyju i navučyć usich, jak pravilna joju karystacca, tym nie mienš «niekatoryja tavary, jakija pradajucca praź internet, vyrablajucca ŭ krainach, jakija nie prytrymlivajucca strohich praviłaŭ, jakija isnujuć u ES i ZŠA, i mohuć vyklikać mocnaje razdražnieńnie skury».
Ale navat naniasieńnie hiel-łakaŭ dla paznohciaŭ vyklučna ŭ sałonach nie harantuje biaśpieki. Košt hetaj pasłuhi ŭ Brytanii, naprykład, moža varjiravacca ad 10-15 da 35-45 funtaŭ sterlinhaŭ (heta značyć, ad 12-18 da 44-56 dalaraŭ ZŠA). Šancy sutyknucca z patencyjnymi alerhienami ŭ tannych sałonach značna vyšejšyja.
Psichołah: U čałavieka, jaki dazvalaje sabie sumavać, złavacca, mienš ryzyki zachvareć na depresiju
Jak miljardy mikraarhanizmaŭ u kišečniku mohuć umacavać vaša psichičnaje zdaroŭje
