Svaimi prablemami sa zdaroŭjem čynoŭnik padzialiŭsia 4 krasavika na dyskusii «Ukraina pierad abliččam źniešnich vyklikaŭ».
«Ja sam u peŭnaj stupieni ŭžo «kibarh». Ja pamianiaŭ sabie vočy. Da pačatku vajny ja nie zusim dobra adčuvaŭ siabie sa svaimi vačyma. Paśla ŭvarvańnia vojskaŭ RF treba było šmat čytać, ja ŭvieś čas byŭ vymušany nasić akulary. Paśla lutaha-sakavika 2022 hoda, u krasaviku, ja ŭžo naohuł nie moh ničoha bačyć. Mnie vielmi chutka, za paŭtary hadziny, pamianiali adno voka, a praz 4 dni ja zamianiŭ inšaje voka», — raspavioŭ jon.
Daniłaŭ pryznaŭsia, što navat nie lažaŭ u balnicy, apieracyja zaniała litaralna 5-6 hadzin.
«U piatnicu paśla abiedu adprasiŭsia ŭ prezidenta, a ŭ subotu ŭžo paśla abiedu viarnuŭsia da pracy. Takija ciapier technałohii. A dalej, dumaju, budziem mianiać usio, akramia hałavy i serca. Majecca na ŭvazie nie fizičnaje, a vaša ŭnutranaje serca», — praciahnuŭ jon.
Sakratar RNBA, praŭda, nie staŭ udavacca ŭ detali apieracyi i jak mienavita jamu «mianiali vočy».
