Z vyhladu heta zvyčajnaja typovaja trochpakajoŭka ahulnaj płoščaj 66 kv. m, jakaja pradajecca za daŭhi, ale niezvyčajnaje imia ŭładalnika — Cichanoŭski Siarhiej Leanidavič.
Adznačajecca, što ŭ canu łota ŭvachodziać: «ubudavanaja siekcyjnaja mebla dla kuchni z varačnaj panellu Gorenje, rakavinaj i źmiašalnikam, ź sistemaj ačystki vady, ubudavanaja šafa-kupe z MDF, vitryna sa škła i 2-ch lustraŭ».
Pačatkovaja cana łota — 214 860 rubloŭ.
U žylla jość «abmiežavańni ŭ rasparadžeńni nieruchomaj majomaściu», jakija, jak abiacajuć pradaŭcy, «buduć źniatyja adździełam prymusovaha vykanańnia pa vynikach prodažu łota». Taksama «ŭ kvatery majucca zarehistravanyja asoby, u tym liku niepaŭnaletnija».
Aŭkcyjon pavinien startavać 6 sakavika.
