Pavodle najaŭnaj infarmacyi, biełarus zajšoŭ u kaplicu, pačaŭ tam pierakulvać i kidać pradmiety, vyryvać staronki ź Biblii. U vyniku byli paškodžanyja papskaja kafiedra, skrutak z vyjavaj Jana Paŭła II, draŭlany ałtar i padłoha, padstaŭka dla ŭlotak. Škodu acanili ŭ 35 tysiač złotych.
Spačatku mužčynu zatrymali supracoŭniki biaśpieki aeraporta, a zatym jany pieradali jaho palicejskim. Test na ćviarozaść pakazaŭ, što ŭ arhaniźmie mužčyny było 1,5 pramile ałkaholu. Noč mužčyna pravioŭ u adździaleńni palicyi.
Za paškodžańnie majomaści biełarusu pahražaje da piaci hadoŭ pazbaŭleńnia voli, a za abrazu relihijnych pačućciaŭ — da dvuch hadoŭ. Adnak pakarańnie moža być i bolšaje, bo sprava nosić chulihanski charaktar.