U Ministerstva zamiežnych spraŭ u suviazi z hetym 17 lutaha byŭ vyklikany časovy pavierany ŭ spravach Polščy ŭ Biełarusi Kšyštaf Ažana.
«Nami źmienieny režym pieramiaščeńnia polskich hruzapieravozčykaŭ. Z hetaha času jany zmohuć ujazdžać na terytoryju Respubliki Biełaruś i pakidać jaje praź luby hruzavy punkt propusku, adnak vyklučna na biełaruska-polskim učastku miažy», — zajavili ŭ MZS.
Paśla zakryćcia «Babroŭnikaŭ» takich punktaŭ na biełaruska-polskaj miažy zastałosia tolki dva. A voś z boku Litvy ci Łatvii hruzaviki z polskimi numarami zajechać ciapier u Biełaruś nie zmohuć.
Taksama polskamu dypłamatu było prapanavana pryvieści da kolkasnaha parytetu z kolkaściu supracoŭnikaŭ Hienieralnaha konsulstva Biełarusi ŭ Biełastoku štat Hienieralnaha konsulstva Polščy ŭ Hrodnie. Akramia taho, režym Łukašenki nie bačyć sensu dalejšaha znachodžańnia na terytoryi Biełarusi aficera suviazi pamiežnaj słužby Polščy.
