Džon Kirbi. Fota: AP/Susan Walsh
Pa słovach pradstaŭnika Rady nacyjanalnaj biaśpieki ZŠA Džona Kirbi, hety abjekt byŭ «pamieram prykładna jak maleńki aŭtamabil».
Kirbi adznačyŭ, što ŭłady pakul nie mohuć skazać, ci byŭ źbity aparat čarhovym aerastatam. «My nazyvajem jaho abjektam, tamu što heta najlepšaje apisańnie, jakoje ŭ nas jość na hety momant», — rastłumačyŭ jon.
«My nie viedajem, kamu heta naležyć, dziaržavie ci karparacyjam. My nie razumiejem mety [hetaha abjekta]», — zajaviŭ Kirbi.
Źniščyli hety abjekt, jaki stvaraŭ patencyjnuju pahrozu dla hramadzianskaj avijacyi, na zahad Džo Bajdena.
«Prezident zahadaŭ vajskoŭcam źniščyć hety abjekt», — adznačyŭ amierykanski čynoŭnik.
Na minułym tydni vyklikaŭ asablivuju zaniepakojenaść kitajski pavietrany šar, jaki pralacieŭ nad rajonami, dzie Złučanyja Štaty zachoŭvajuć jadziernyja rakiety ŭ padziemnych schoviščach i bazirujucca stratehičnyja bambardziroŭščyki. Hety incydent prymusiŭ dziaržsakratara ZŠA Entani Blinkiena admianić pajezdku ŭ Piekin, jakaja doŭha płanavałasia i była nakiravanaja na palapšeńnie suviazi pamiž dźviuma supierdziaržavami.
