«U časopisie ja bolš nie pierakładčyca, pakolki nad vydańniem ciapier pracujuć biełarusy. Adnak supraca z «Matulinym soniejkam» praciahvajecca. Try hady ja pierakładała z ukrainskaj na biełaruskuju dziciačyja kazki i vieršy, a ciapier sprabuju stvarać ich sama. Pazyčcie mnie ŭdačy, što nazyvajecca», — napisała Alina.
Padpisacca na časopis možna na sajcie «Biełpošty».
«Matulina soniejka» — štomiesiačnaje vydańnie na biełaruskaj movie z razvivalnymi hulniami i zadańniami dla dziaciej ad 3 da 7 hadoŭ.
Dziakujučy cikavym zadańniam i hulniam časopis daje mahčymaść dzieciam daviedvacca novyja słovy na biełaruskaj movie i adnačasova raźvivać svaje zdolnaści da matematyki, čytańnia i vobraznaha myśleńnia.
Zasnavalnik i vydaviec — redakcyja haziety «Šapaklak».
Raniejšaje prypynieńnie vychadu časopisa było źviazanaje, jak paviedamlała redakcyja, z tym, što jaho rabili ź dźviuch krain: «Z Ukrainy i Biełarusi. Dapamahali nam ukrainskija aŭtary, a ciapier z hetym jość prablemy». Na ščaście, ich udałosia paśpiachova vyrašyć.
Časopis — adno z apošnich acalełych papiarovych vydańniaŭ na biełaruskaj movie.
