Fota: Bruce The Deus / wikimedia.org / CC BY-SA 4.0
Samaja istotnaja novaja funkcyja — heta vystaŭleńnie tajmiera aŭtavydaleńnia va ŭsich novych čatach pa zmoŭčańni. Znachodzicca heta ŭ raździele «Pryvatnaść i biaśpieka» ŭ «Naładach». Nazyvajecca punkt «Auto-Delete Messages» («Aŭtavydaleńnie paviedamleńniaŭ»).
Na biełaruskuju movu nazvu pakul nie pierakłali
Akramia ŭsiaho inšaha, ciapier akaŭnt možna rehistravać na błakčejn-numar, jaki možna nabyć na płatformie Fragment (naležyć samomu Telegram). Adzin numar kaštuje 9 TON (za vypadkovy numar), što prykładna raŭnaznačna 16 dalaram.
Jašče adna važnaja funkcyja — heta mahčymaść stvarać časovyja QR-kody, kab padzialicca kantaktam. Navat kali ŭ vas niama juziernejma, to vy ciapier možacie dać svoj kantakt u vyhladzie QR-koda i nie «śviacić» svoj numar, nie stvarać juziernejm.
Videa: Telegram.org
Siarod mienš istotnych źmienaŭ — bolš zručnaja struktura vialikich hrupavych čataŭ i mahčymaść uvodzić dla čataŭ, u jakich bolš za 200 karystalnikaŭ, unutrany spam-filtr.
Jak novyja funkcyi ŭpłyvajuć na biaśpieku biełarusaŭ?
Hučnaje śćviardžeńnie pra «Ultimate privacy», viadoma, chutčej markietynhavy krok.
Błakčejn-numar paraŭnalna darahi i pry hetym mała čym adroźnivajecca ad opcyi, kali vy kuplajecie virtualny numar abo numar vam daje inšy čałaviek. Heta toj ža numar, pryviazany da niejkaha akaŭntu, tolki ŭ błakčejnie, a nie sim-kartaj.
Aŭtavydaleńnie ŭ čatach pa tajmiery — heta adnaznačna dobraja funkcyja. Ale ŭ vypadku, kali nie vyrašanyja inšyja vielmi istotnyja prablemy miesiendžara (da prykładu, keš zachoŭvajecca ŭ niezašyfravanym vyhladzie, a baza danych prahramy nieprazrystaja i chavaje ŭ sabie šmat vydalenych paviedamleńniaŭ, prablema z botami) i nie abaznačany kirunak na ich vyrašeńnie, to heta kropla ŭ mory.
Nie jasna, nakolki biaśpiečna dzialicca kantaktami praz QR-kod, bo funkcyja źjaviłasia tolki niadaŭna — adnak kanceptualna ideja cikavaja.
Ahułam, hetyja źmieny vartyja, kab pastavić abnaŭleńnie, ale niedastatkovyja, kab upłyvać na biaśpieku ci pryvatnaść karystalnikaŭ miesiendžara, prynamsi, u Biełarusi.
Udakładnieńnie. Jak słušna zaŭvažyŭ adzin z našych čytačoŭ, adna z novych niebiaśpiečnych funkcyjaŭ telehramu — heta toje, što karystalniki na Android ciapier mohuć karystacca starońnimi prahramami dla navihacyi, jakim prahrama budzie pieradavać hieadanyja. Ale my raim uvohule adklučać dostup da hieałakacyi ŭ telehram dla ŭsich karystalnikaŭ.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»
