Jaje žanich, amierykaniec Dziurek Vieret, prapahanduje nienavukovyja miedycynskija praktyki, u pryvatnaści, śćviardžaje, što chvareć na rak — heta vybar. Jon taksama śćviardžaje, što paŭpłyvaŭ na Hviniet Pełtrou.
«Pryncesa Marta Łuiza «admaŭlajecca ad svajoj patranažnaj roli», bo jany sa spadarom Vieretam imknucca «raźmiežavać svaju dziejnaść i Karaleŭski dom Narviehii», — havorycca ŭ zajavie pałaca. U joj taksama dadajuć, što karol Charald V vyrašyŭ, što jana zachavaje svoj tytuł.
«Jana vykonvała svaje abaviazki ź ciepłynioj, kłopatam i hłybokaj addanaściu», — havorycca ŭ paviedamleńni.
Karol Charald apisaŭ Viereta jak «vydatnaha chłopca, ź jakim viesieła bavić čas».
U jaho dobraje pačućcio humaru, i my šmat śmiajomsia, navat u hety niaprosty čas. Ja dumaju, što i my, i jon lepš zrazumieli toje, pra što idzie havorka, i my pahadzilisia nie zhadžacca adno z adnym», — skazaŭ karol Charald narviežskim žurnalistam.
U asobnaj zajavie pryncesa Marta Łuiza skazała, što «ŭśviedamlaje važnaść viedaŭ, zasnavanych na daśledavańniach», ale ličyć, što alternatyŭnaja miedycyna moža być «važnym dadatkam da dapamohi».
Jana dadała, što važna «adroźnivać jaje jak pryvatnuju asobu, z adnaho boku, i jak člena karaleŭskaj siamji — z druhoha».
51-hadovaja pryncesa dziesiacihodździami vyklikała sprečki ŭ Narviehii z-za svajoj suviazi z alternatyŭnymi mietadami lačeńnia, uklučajučy adkryćcio škoły, jakaja mieła na mecie dapamahčy ludziam «mieć znosiny sa svaimi aniołami».
U 2002 hodzie jana vyjšła zamuž za narviežskaha piśmieńnika i mastaka Ary Bena, i ŭ pary naradziłasia troje dačok. Jany raźvialisia ŭ 2017 hodzie, i Ben, jaki kazaŭ pra toje, što pakutuje ad depresii, ździejśniŭ samahubstva na Kalady ŭ 2019 hodzie.
U červieni pryncesa Marta Łuiza zaručyłasia ź Vieretam. Jana abviaściła pra svaje adnosiny ŭ instahramie ŭ 2019 hodzie, apiaredziŭšy patencyjnuju krytyku.
U dopisie jana skazała: «Dla tych z vas, chto adčuvaje patrebu krytykavać: prytrymajcie koniej. Nie vam vybirać za mianie ci sudzić mianie. Šaman Dziurek — heta prosta čałaviek, ź jakim ja lublu bavić čas, i jaki dapaŭniaje mianie».
Niahledziačy na heta paviedamleńnie, para vyklikała značnuju krytyku ŭ Narviehii, a Viereta nazvali šarłatanam, machlarom i prychilnikam teoryj zmovy.
Były premjer-ministr krainy Erna Sołbierh nazvała jaho pohlady «vielmi dziŭnymi» i «nie zasnavanymi na faktach», kazała, što jaho idei prapahandujuć teoryi zmovy.
Dziurek Vieret — afraamierykaniec, jaki nazyvaje siabie «šamanam u šostym pakaleńni» — śćviardžaŭ, što ŭvaskros ź miortvych i pradkazaŭ terakty 11 vieraśnia ŭ Złučanych Štatach za dva hady da taho, jak jany adbylisia.
Jon kazaŭ, što krytyka, ź jakoj jon sutykajecca, źviazanaja z rasizmam, i što jon «nikoli nie adčuvaŭ stolki rasizmu», kali pryjechaŭ u Narviehiju. Jon taksama paraŭnoŭvaŭ siabie z takimi ludźmi, jak Albiert Ejnštejn i Tomas Edysan, śćviardžajučy, što jany byli «hienijami, jakich niapravilna razumieli».
Na svaim vebsajcie jon nazyvaje siabie «vizijanieram Now Age», jaki «demistyfikuje duchoŭnaść».
Apytańnie, apublikavanaje ŭ vieraśni, pakazała, što tolki 13% narviežcaŭ ličać, što pryncesa Marta Łuiza pavinna pradstaŭlać karaleŭskuju siamju ŭ aficyjnych abaviazkach.
hetaj ža "navinie" 100 let v obied