Heta 37 evakuavanych z «Azoŭstali», 11 aficeraŭ, 85 — šarahovaha i siaržanckaha składu. Usiaho Ukraina viarnuła 108 žančyn, paviedamlaje kiraŭnik Ofisa prezidenta Ukrainy Andrej Jarmak.
Rasijski bok paviedamlaje, što atrymaŭ 110 čałaviek, bolšaść — maraki z «DNR».
Pa słovach Jarmaka, siarod vyzvalenych jość dziaŭčaty, niezakonna źniavolenyja ŭ ARDŁA, jakija trapili ŭ pałon jašče da šyrokamaštabnaha ŭvarvańnia. Ludzi siadzieli z 2019 hoda ŭ psieŭdarespublikach za «zanadta praŭkrainskuju pazicyju», jakaja vyjaŭlałasia ŭ pieravozcy humanitarki dla dziaciej-sirot, nadumanyja «špijanaž» i «teraryzm», adznačyŭ kiraŭnik Ofisa prezidenta Ukrainy.
Pavodle kiraŭnika samaabvieščanaj «DNR» Dzianisa Pušylina, dźvie žančyny, uklučanyja ŭ śpis na abmien, admovilisia viartacca va Ukrainu i zastalisia ŭ Rasii, i mienavita tamu žančyn, pieradadzienych ukraincam, 108, a nie 110. Ukrainski bok pakul što hetaha nie kamientuje.
