Spravu razhladaŭ sudździa Siarhiej Mazuraŭ.
Adnaho ź biełaruskich «rejkavych partyzan», palitviaźnia Alaksieja Šyškaŭca zatrymali ŭ sakaviku 2022 hoda.
Pa infarmacyi MUS, na pačatku 2022 hoda mužčyna «uvajšoŭ u skład ekstremisckaha farmavańnia ByPol, aŭtaryzavaŭšysia ŭ mabilizacyjnym čat-bocie dla ździajśnieńnia supraćpraŭnych dziejańniaŭ u Biełarusi».
A 1 sakavika jon nibyta atrymaŭ ukazańni pa błakavańni čyhunačnych šlachoŭ, a taksama pa vyrabie i vykarystańni «kaktejlaŭ Mołatava».
U vieraśni 2022 h. KDB uklučyŭ Šyškaŭca ŭ śpis asobaŭ, «datyčnych da terarystyčnaj dziejnaści».
Sudovy praces u dačynieńni da Alaksieja doŭžyŭsia amal try tydni.
U vyniku sudździa Siarhiej Mazuraŭ asudziŭ mužčynu da 11 hadoŭ pazbaŭleńnia voli va ŭmovach uzmocnienaha režymu.
Raniej niekatorym «rejkavym partyzanam» ź inšych haradoŭ taksama ŭžo vynieśli vialikija terminy. Tak, supracoŭnika Viciebskaj dystancyi sihnalizacyi i suviazi Siarhieja Kanavałava prysudzili da 15 hadoŭ kałonii ŭzmocnienaha režymu — jon nibyta płanavaŭ vyviadzieńnie sa stroju sistemy, jakija zabiaśpiečvajuć biaśpieku čyhunačnaha ruchu.
Troje «partyzan» z Babrujska atrymali ad 14 da 16 hadoŭ kałonii ŭzmocnienaha režymu.
U sud užo pieradali spravu «rejkavych partyzan» z Mazyra. Adnaho buduć sudzić pa čatyroch artykułach, druhoha — pa siami.
