Pavodle paviedamleńnia, jašče adzin dron źbity srodkami SPA, achviar niama, praciahvajecca ratavalnaja apieracyja i tušeńnie pažaru.
Dva dni tamu pa Adesie ŭžo nanosili ŭdary drony-kamikadze iranskaj vytvorčaści Shahed 136 — jak paviedamlali ŭłady, byŭ razburany administracyjny budynak, zahinuŭ adzin čałaviek.
ŚMI anansavali maštabnyja pastaŭki dronaŭ ź Irana u Rasiju letam, rasijskija ŭłady nie paćviardžali hetuju infarmacyju. U vieraśni ŭkrainskija vajskoŭcy zajavili, što ŭpieršyniu źbili Shahed 136 pablizu Kupianska ŭ Charkaŭskaj vobłaści, jaki byŭ advajavany ŭ rasijskaj armii ŭ vyniku kontrnastupleńnia.
Hazieta Wall street journal pisała, što ŭziatyja na ŭzbrajeńnie rasijskimi vajskoŭcami bieśpiłotniki atrymali nazvu «Hierań-2». Zvyčajna jany lotajuć parami, a zatym urazajucca ŭ svaje celi.
