— Jość insajdarskaja infarmacyja ad supracoŭnikaŭ, što H&M adkryvajecca 19 vieraśnia. Ciapier čakajem aficyjnaje paćviardžeńnie ad kiraŭnictva kramy, — skazali ŭ adnym z handlovych centraŭ. — Dumaju, užo siońnia my atrymajem aficyjnuju infarmacyju.
Usiaho ŭ Biełarusi try kramy H&M. Dźvie ŭ Minsku — u TRC Palazzo i Galleria Minsk i adzin u Hrodnie — u TRC Triniti.
H&M zakrylisia ŭ Biełarusi ŭśled za Rasijaj. U lipieni ŭ H&M Group paviedamili, što ŭ Biełarusi kramy znoŭ zapracujuć, ale biez kankretyki, kali mienavita i na jaki čas. Tak, 29 lipienia na staroncy brenda ŭ «VK» źjaviłasia abjava pra toje, što kramy znoŭ adkryjucca ŭ žniŭni. Adnak praź niekalki dzion hetuju navinu pa nieviadomych pryčynach vydalili.