Budynak dumy ŭ Breście. Archiŭnaje fota z kalekcyi Alaksandra Paščuka, «Virtualny Brest»
Havorka idzie pra ŭčastak na skryžavańni vulic Budzionnaha i 17-ha Vieraśnia. Budaŭnictvam budzie zajmacca pryvatny zabudoŭščyk. Pakolki havorka idzie ab achoŭnaj zonie histaryčnaha centra, jon abaviazujecca ŭznavić architekturnyja rašeńni fasadaŭ stračanaha abjekta — haradskoj dumy. Jana była razburanaja padčas Pieršaj suśvietnaj vajny.
Prajekt praduhledžvaje ŭźviadzieńnie trochpaviarchovaha budynka. Na padvalnym paviersie pavinny raźmiaścicca inžyniernyja pamiaškańni, padziemny parkinh na 30 mašyna-miescaŭ, spartyŭny kompleks. Na pieršym paviersie namiečana adkryć restaran. Na astatniaj terytoryi buduć znachodzicca kabiniety i pamiaškańni inšaha pryznačeńnia. Inviestar taksama pavinien dobraŭparadkavać terytoryju paśla zakančeńnia budaŭnictva i pakłapacicca ab azielanieńni ŭčastka, vysadziŭšy šmathadovuju travu, drevy i kusty.
Prajekciroŭščyki pastaralisia, kab źniešni vyhlad budynka byŭ praktyčna całkam identyčny aryhinału. «Znajšli archiŭnuju fatahrafiju ŭ dobrym pašyreńni. Prajekciroŭščyk paličyŭ pamier cehły, adnaviŭ budynak u realnych pamierach. Zachavałasia kala piaci fatahrafij, i pa hetych vyjavach adnaŭlali źniešni vyhlad budynka. Zrazumieła, što napaŭnieńnie, jaho funkcyja ciapier buduć inšymi», — adznačyŭ načalnik Upraŭleńnia architektury i horadabudaŭnictva Bresckaha harvykankama Maksim Suciahin. Fasad budynka płanujuć ablicavać cehłaj žaŭtlavaha adcieńnia. Zakazčyk śpiecyjalna šukaŭ taki, znajšoŭ vytvorcu za miežami Biełarusi.
U Breście pastupova adnaŭlajuć kvartał histaryčnaj zabudovy. Niekatoryja budynki rekanstrujujuć, niekatoryja budujuć nanova. U niejkich vypadkach robiać simbijoz staroj i novaj zabudovy.
