Jak raspavioŭ dyrektar RNPC dziciačaj chirurhii Kanstancin Drazdoŭski, Dzima znachodziŭsia ŭ liście čakańnia na pierasadku serca, adnak jaho stan rezka pahoršyŭsia. Na žal, pry dyjahnazie dylatacyjnaja kardyjamijapatyja i z vahoj 17 kh, a taksama inšymi ŭskładnieńniami, jakija dyjahnastavali ŭ dziciaci śpiecyjalisty centra, pravieści apieracyju pa pierasadcy donarskaha orhana było niemahčyma.
Pavodle daktaroŭ, zastavaŭsia adziny šaniec — impłantacyja štučnaha žałudačka serca.
Uznačaliŭ apieracyjnuju bryhadu hałoŭny pazaštatny dziciačy kardyjachirurh Minzdaroŭja Respubliki Biełaruś, urač vyšejšaj katehoryi, kandydat miedycynskich navuk Kanstancin Drazdoŭski, asistavaŭ jamu viadomy kardyjachirurh z Turcyi prafiesar Umit Kiervan.
Na siońniašni momant heta adna z samych paśpiachovych i ŭnikalnych apieracyj adnamu z samych maleńkich pacyjentaŭ u Jeŭropie.
Niahledziačy na ŭsie składanaści praviadzieńnia apieratyŭnaha ŭmiašańnia, postapieracyjny pieryjad prachodzić spakojna.
Siońnia chłopca i jaho mamu naviedaŭ ministr achovy zdaroŭja Dźmitryj Pinievič. Jon parazmaŭlaŭ z maleńkim pacyjentam i jaho maci i padaryŭ chłopčyku nabor vitaminnych kompleksaŭ, hiematahien i mašynku na pulcie kiravańnia.
