Dyskusii ab naźvie źjavilisia paśla pačatku vajny va Ukrainie. Cikava, što teatr znachodzicca kala pasolstva Ukrainy.
U mai 2022 hoda była stvoranaja rabočaja hrupa, jakaja pavinna była pradstavić rekamiendacyi pa pytańni napramkaŭ dziejnaści i nazvy teatra. Na minułym tydni hrupa pieradała svajo rašeńnie ministru.
Bolšaść vykazałasia za varyjant nazvy «Stary vilenski teatr». Na dumku ekśpiertaŭ, hetaja nazva nahadvaje pra historyju teatra i adpaviadaje ŭstanoŭkam sučasnaha teatra, kirunku jaho dziejnaści. Heta byŭ pieršy budynak, uźviedzieny ŭ Vilni dla teatra ŭ siaredzinie 19 st. na vulicy, što ciapier nosić imia Basanavičusa.
«Heta simvaličnaja i adnačasova realnaja źmiena: nazva Stary vilenski teatr lepš adpaviadaje viecham dziejnaści teatra, adlustroŭvaje historyju budynka i adkryvaje bolš šyrokija mahčymaści dla ažyćciaŭleńnia multykulturnych inicyjatyŭ. Naturalna, što pieramieny mohuć być tryvožnymi dla trupy — my heta razumiejem i chočam padkreślić, što nichto nie sumniavajecca ŭ prafiesijanaliźmie trupy, u jaje nieabchodnaści ŭ ahulnym kantekście litoŭskaha teatra», — skazaŭ Kajrys.
