Vizavy centr Estonii ŭ Połacku budzie znachodzicca pa adrasie: vulica Kamunistyčnaja, 4B (u budynku kampanii «Biełdziaržstrach»). Hrafik jaho pracy: aŭtorak i čaćvier (akramia dziaržaŭnych śviataŭ) z 10.00 da 15.30.
Vizavy centr Estonii ŭ Babrujsku budzie znachodzicca pa adrasie: vulica Puškina 251 (u budynku kampanii «Biełdziaržstrach»). Hrafik pracy: aŭtorak i čaćvier (akramia dziaržaŭnych śviataŭ) z 10.00 da 15.30.
U VFS Global papiaredzili, što ŭ hetych centrach budzie pakul niedastupnaja pasłuha imhniennaj fatahrafii, a apłaty konsulskaha, servisnaha zboru, dadatkovych pasłuh buduć rabicca praź sistemu ARIP.
Ale na vizy mohuć raźličvać nie ŭsie. Paśla pačatku vajny va Ukrainie vizavyja centry Estonii ŭ Biełarusi robiać pryjom zajaŭ tolki pa nastupnych metach pajezdki:
- naviedvańnie členaŭ siamji (muž (žonka), dzieci, baćki, prabaćki, unuki) hramadzian abo ŭładalnikaŭ dazvołu na žycharstva Estonii/Finlandyi/Šviecyi;
- naviedvańnie siemjaŭ niepaŭnaletnich členaŭ siamji hramadzian Estonii/Finlandyi/Šviecyi abo asob, jakija majuć dazvoł na žycharstva (byłyja muž i žonka, dzieci ad druhoha šlubu i h. d.).
- pajezdka pa humanitarnych pryčynach, takich jak ciažkaja chvaroba ci pachavańnie blizkaha svajaka.