Pałkoŭnik Viktar Žadobin raźvitaŭsia z čaściu ŭnutranych vojskaŭ 5448, jakoj kiravaŭ adnosna niadoŭha.
Na momant źvierstvaŭ 2020-ha Žadobin-małodšy kiravaŭ bryhadaj unutranych vojskaŭ u Homieli.
Potym byŭ pieraviedzieny ŭ čaść 5448, zaniaŭšy miesca Uładzimira Dunajenki, jakoha niadaŭna za pjanku razžałavali da vykładčyka Vajskovaj akademii.
Čytajcie taksama: Paśla skandału z prastytutkami kamandzira 6-j milicejskaj bryhady Dunajenku zrabili piedahoham
Pieravod na fakultet Hienštaba aznačaje, što Žadobina viaduć u hienierały.
U vojskach u Viktara Žadobina reputacyja nieadnaznačnaja. Niekatorych razdražniajuć šyrokija plečy pałkoŭnika — majecca na ŭvazie pratekcyjanizm baćki.
Pahony pałkoŭnika Žadobin-małodšy atrymaŭ u 2019-m na momant kiravańnia v/č 7434 u Astraŭcy.
Jaho baćka, Juryj Žadobin — hienierał-lejtenant, były kiraŭnik unutranych vojskaŭ MUS (1999—2003) staršynia KDB (2007—2008), sakratar Rady biaśpieki (2008—2009), ministr abarony (2009—2014).
Miesca Žadobina ŭ v/č 5448 zojmie małady padpałkoŭnik Alaksiej Łabanaŭ.
Łabanaŭ źleva, Žadobin sprava
«Łabanaŭ viadomy najpierš tym, što nie zdoleŭ sam zdać na krapavy bieret, budučy ŭ rocie vyviedki, dzie isnuje kult hetaj šapki. Try razy ŭsio zdavaŭ — składanyja sparynhi, pałasu, i try razy zavalvaŭ, zdavałasia b, elemientarnaje — padciahvańnie.
Na čaćviorty raz kiraŭnictva bryhady vyrašyła zapluščyć vočy na padciahvańnie i prapuścić, bo vielmi choča.
Jašče z aśpiektaŭ bijahrafii — cudam utrymaŭsia ŭ vojskach, kali pahraničniki, jakim jon sa svajoj rotaj dapamahaŭ achoŭvać hranicu, złavili jahonych bajcoŭ za pjanstvam na zadańni — pavinny byli siadzieć u zasadzie i čakać kantrabandystaŭ, a sami pačali pić. Ale Łabanaŭ prajaviŭ siabie pry razhonach pratestaŭ u rehijonach u 2020-m, tamu, imavierna, atrymlivaje pramocyju», — patłumačyŭ nam kaleha Łabanava.
