«Hałoŭny siłavik» demakratyčnaj apazicyi Valeryj Sachaščyk na kanfierencyi «Novaja Biełaruś» jašče da pryznačeńnia jaho ŭ skład «kabinieta»

«Hałoŭny siłavik» demakratyčnaj apazicyi Valeryj Sachaščyk na kanfierencyi «Novaja Biełaruś» jašče da pryznačeńnia jaho ŭ skład «kabinieta»

Pa-pieršaje, piša sp. Valer, heta ŭtapičnaść samoj idei siłavoha zrynańnia ŭłady Łukašenki ŭ sučasnych biełaruskich umovach. U palitycy niama ničoha niebiaśpiečniejšaha, čym iluzii. Razmovy ab stvareńni niejkaha biełaruskaha vojska za miežami krainy — heta niesurjozna.

Kontrarhumient: Nichto z surjoznych palitykaŭ (i, zdajecca, palitykaŭ uvohule) nie inicyjuje stvareńnie takoha vojska za miažoj i navat nie abmiarkoŭvaje samu ideju. Havorka idzie, jak kaža Alaksandr Azaraŭ, pra padrychtoŭku ludziej, kab jany ŭmieli supraciŭlacca, abaraniacca i karystacca zbrojaj. U siońniašni čas heta całkam narmalnyja ŭmieńni. Azaraŭ kaža, što nieabaviazkova trymać ludziej u kučy, jak bajavuju adzinku. Padčas nadzvyčajnaj situacyi kožny, pavodle Azarava, atrymaje svaju zadaču. U asnovie siłavoj stratehii Abjadnanaha kabinieta budzie płan «Pieramoha». Jon nie praduhledžvaje vojska. Utapičnaść idei siłavoha zrynańnia chunty siońnia nie značyć, što zaŭtra, pry inšych abstavinach, jana nie stanie realnaj. U mai 2020-ha tracina miljona ludziej na vulicach Minska taksama była ŭtopijaj. U kancy žniŭnia heta było ŭžo zvykła. Za čas ad žniŭnia hramadstva asvoiłsia z takoj dumkaj i rejkavyja partyzany dokaz hetamu.

Pa-druhoje, piša Karbalevič, militarysckaja rytoryka adpudzić ad apazicyi značnuju častku publiki, jakaja raniej joj spačuvała. Narod baicca hramadzianskaj vajny, heta naturalny instynkt samazachavańnia. I, vybirajučy pamiž hramadzianskaj vajnoj i režymam Łukašenki, bolšaść biełarusaŭ, peŭna, vybiera łukašenkaŭskuju dyktaturu.

Kontrarhumient: Siłavy varyjant nie roŭny hramadzianskaj vajnie. Jak kaža Sachaščyk, taki varyjant uvohule nie aznačaje aktyŭnych bajavych dziejańniaŭ. Rytoryka sapraŭdy moža kahości adpudzić, ale jakaja jość alternatyva, kali i sam sp. Valer ličyć, što nijakich «lehalnych» mietadaŭ bolš nie isnuje? Pieratvareńnie Biełarusi ŭ Kurhanskuju vobłaść, što adbyvajecca ŭžo ŭ ekspres-tempie? Bolšaść nie vybiera dyktaturu, jana moža abrać pasiŭnaje nazirańnie. Ale vyrašaje ŭ historyi takich padziej zaŭsiody pasijanarnaja mienšaść (kali my kažam pra siłavy varyjant, bo prychilnikaŭ chunty ŭžo nie budzie bolšaść).

Pa-treciaje, arhumientuje sp. Valer, takija razmovy dapamahajuć uładzie raźviančać ideju mirnaha pratestu. Hałoŭny kanstrukt dziaržaŭnaj prapahandy ciaham dvuch hadoŭ palahaje ŭ tym, što ŭ 2020 hodzie była sproba hvałtoŭnaha miaciažu. Pa BT uvieś čas pakazvajuć karcinki niejkich epizodaŭ siłavoha sutyknieńnia demanstrantaŭ z AMAPam, padrabiazna aśviatlajuć sudovyja pracesy, u jakich ludziej abvinavačvajuć u hvałcie.

Kontrarhumient: Akurat tamu prapahanda ničoha novaha i nie skaža i nikoha nie napałochaje, bo ŭžo dva hady raskazvaje jabaćkam pra biaskoncyja płany zamachaŭ i teraktaŭ. A kali niechta choča stvarać hienijalny płan, abapirajučysia na toje, što skaža BT, jon nie pavinien ničoha stvarać uvohule. Sp. Valer kaža, što razmovy pra siłavy mietad uzmocniać represii. Akurat biez takoha abmierkavańnia jany buduć praciahvacca. Apošnija 1,5 hoda takoha abmierkavańnia nie było, ale represii ašaleli, a Vitold Ašurak zahinuŭ biez vyniasieńnia śmiarotnaha prysudu.

Pa-čaćviortaje, piša Karbalevič, staŭka na siłu stavić u niajomkaje stanovišča zachodnich partnioraŭ. Adna sprava — dapamahać imknieńniu biełaruskaha naroda da svabody ŭ ramkach demakratyčnych miechanizmaŭ, i zusim inšaja — padtrymlivać siłavy varyjant prychodu apazicyi da ŭłady. Heta drenna spałučajecca ź jeŭrapiejskimi kaštoŭnaściami i ŭjaŭleńniami ab demakratyi.

Kontrarhumient: Roŭna naadvarot. Ad 24 lutaha šmat chto ŭ Jeŭropie zrazumieŭ, što adbyvajecca. Palityki pieraabuvajucca na chadu, mianiajuć dumki, płany, stratehii. Toj, chto raiŭ Ukrainie addać RF akupavanyja ziemli jašče dva miesiacy tamu, siońnia kaža, što jaje treba pryniać u NATA. I tam ŭžo za paŭkroku niejtralnyja i pacyfisckija jašče zimoj finy i šviedy. Krainy ES pavialičvajuć abaronnyja biudžety, adnaŭlajuć terabaronu, a raniej parasijskija palityki kažuć, što Rasija pavinna prajhrać militarna. Ale navat kali b na Zachadzie ŭsiaho hetaha nie rabili i nie kazali, heta nie aznačaje, što pra heta nie pavinny razmaŭlać biełarusy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?