Adno z upraŭleńniaŭ Pientahona zajmajecca technałohijaj Multi-Spectral Targeting System (MSTS), što daje apierataram bieśpiłotnych latalnych aparataŭ raźviedvalnyja dadzienyja, adsočvańnie celi i nacelvańnie ŭ režymie realnaha času. Padobnaja technałohija vykarystoŭvajecca ŭ dronie MQ-1C Gray Eagle.
Administracyja Bajdena pieršapačatkova bajałasia, što ŭkraincam budzie ciažka avałodać hetym aparatam. Adnak, pa słovach krynic vydańnia Politico, samaja vialikaja prablema zaklučajecca ŭ tym, što Rasija moža pierachapić dron i skraści technałohiju. Isnuje taksama aściaroha, ci budzie technałohija kankurentnazdolnaj na poli boju.
Gray Eagle ad General Atomics moža lotać bieź pierapynku bolš za 27 hadzin na adlehłaść 4630 km i nieści rakiety Hellfire. Bieśpiłotnik vykarystoŭvaŭsia ŭ apieracyjach ZŠA na Blizkim Uschodzie i ŭ krainach Afryki. Imavierna, niadaŭna jon vykarystoŭvaŭsia ŭ napadzie suprać lidara Al-Kaidy Al-Zavachiry.
Słužba biaśpieki abaronnych technałohij (padraździaleńnie Pientahona) zaraz aceńvaje ryzyku adpraŭki va Ukrainu bieśpiłotnych latalnych aparataŭ Gray Eagle z MSTS. Pakul što niama nijakaj harantyi, što ofis daść zialonaje śviatło.
Kančatkovaje rašeńnie ab adpraŭcy prymie ministr abarony ZŠA.
Zatrymka pa-raniejšamu turbuje ŭkrainskich čynoŭnikaŭ, jakija padali zajaŭki na čatyry takija samaloty ŭ pačatku hetaha hoda. Kijevu patrebnyja źviestki ab stanoviščy rasijskich sił.
Niekatoryja ŭkrainskija lotčyki-źniščalniki, adnak, śćviardžajuć, što Gray Eagle moža być nie vielmi karysny, bo jamu daviadziecca latać zanadta blizka da rasijan. Heta vielmi efiektyŭnaja płatforma, ale ŭ takich miescach, jak Afhanistan, a nie na linii frontu.
Jašče adna pieraškoda zaklučajecca ŭ tym, što madel patrabuje šyrokaj naziemnaj infrastruktury (biaśpiečnych linij suviazi i vialikich asfaltavanych pasadkavych placovak), i niezrazumieła, dzie Kijeŭ moža raźmiaścić bieśpiłotniki.
