swissinform.ru
Vajna Rasii suprać Ukrainy pryviała da pieraasensavańnia palityki biaśpieki ŭ hramadzian Šviejcaryi. Kurs na zbližeńnie krainy z NATA znajšoŭ by rekordnuju padtrymku ŭ 52% šviejcarcaŭ. Pra heta śviedčać danyja sacyjałahičnaha daśledavańnia, vyniki jakoha apublikavanyja ŭ čaćvier Šviejcarskaj vyšejšaj techničnaj škołaj Ciurycha. Razam z tym kolkaść prychilnikaŭ pramoha ŭstupleńnia krainy ŭ Paŭnočnaatłantyčny aljans pa-raniejšamu zachavałasia na ŭzroŭni 27 adsotkaŭ, piša Deutsche Welle.
Pavodle apytańnia, dola šviejcarcaŭ, jakija padtrymlivajuć tradycyjny niejtralitet krainy, źniziłasia ŭ paraŭnańni sa studzieniem na vosiem punktaŭ da 89%. Heta było samaje značnaje źnižeńnie za 20 hadoŭ. Tolki 58% adsotkaŭ respandentaŭ pierakananyja ŭ tym, što niejtralitet Šviejcaryi abaraniaje krainu ad mižnarodnych kanfliktaŭ. U studzieni ich kolkaść składała 69 adsotkaŭ.
Rasijskaja ahresija suprać Ukrainy ŭzmacniła padtrymku nasielnictvam vojska Šviejcaryi. Pavodle apytańnia, tolki troje ź dziesiaci respandentaŭ ličać, što vajennyja vydatki ich krainy zanadta vysokija. Heta samy nizki pakazčyk z pačatku praviadzieńnia apytańniaŭ u 1980-ch hadach.
Uzbrojeny niejtralitet źjaŭlajecca adnym z asnoŭnych pryncypaŭ źniešniaj palityki Šviejcaryi. Kraina nie ŭdzielničała ŭ vojnach z 1815 hoda. Niejtralitet Šviejcaryi aznačaje, što jana budzie vykarystoŭvać svaje ŭzbrojenyja siły ŭ metach samaabarony dla abarony svajoj niezaležnaści i terytaryjalnaj cełasnaści, ale nie dla zabieśpiačeńnia intaresaŭ, jakija vychodziać za ramki samaabarony.
