Pavodle viersii abvinavačvańnia, 33-hadovy žychar Hrodna raźmiaščaŭ u Telegram-kanałach paviedamleńni z abrazami pradstaŭnikoŭ ułady i ich blizkich, u tym liku vyšejšych słužbovych asob. Taksama jon nibyta vykazvaŭ pahrozy hvałtam u dačynieńni da supracoŭnikaŭ pravaachoŭnaj i sudovaj sistemy, prynižaŭ ich honar i hodnaść. Sudzili Alaksandra pa 35 kamientarach, paciarpiełymi byli pryznanyja 26 čałaviek.
Kryminalnuju spravu razhladaŭ sudździa Rusłan Huryn. Franckievič da suda ŭtrymlivaŭsia pad vartaj.
Abvinavačany svaju vinu pryznaŭ častkova. Na dopycie raskazaŭ, što ni z kim z paciarpiełych asabista nie znajomy, adnak pad upłyvam «destruktyŭnych resursaŭ» adčuvaŭ niepryjaznaść da słužbovych asob.
1
0
0
1
3
28
