Jak paviedamlaje pres-słužba Śledčaha kamiteta, uviečary ŭ aŭtorak šaścihadovy mały adpačyvaŭ razam z baćkami pablizu raki Pcič. Jany kupalisia, pry hetym chłopčyk byŭ u vyratavalnaj kamizelcy. Praź niekatory čas dzicia źniało kamizelku, nadzieła masku dla płavańnia i nyrnuła, paśla čaho źnikła.
Baćki kinulisia na pošuki, ale vyratavać chłopčyka nie zmahli. Jaho cieła dastali z vady supracoŭniki MNS.
Inšy siońniašni vypadak adbyŭsia na Niomanie ŭ Mastoŭskim rajonie. Tam na vačach u siabroŭ i rybakoŭ patanuŭ 13-hadovy chłopčyk. Ciapier jaho cieła šukajuć rabotniki Tavarystva vyratavańnia na vodach i MNS, paviedamlaje pres-słužba Śledčaha kamiteta.
Pa papiarednich źviestkach, padletak znachodziŭsia na bierazie razam sa svaimi siabrami. U niejki momant jon pajšoŭ płavać, adnak nieŭzabavie pačaŭ tapicca. Vyratavać jamu žyćcio pasprabavali rybaki, jakija znachodzilisia pobač u momant trahiedyi, adnak nie paśpieli — padletak schavaŭsia pad vadoj.
Miesca, dzie patanuŭ chłopiec, nie było pryznačana dla kupańnia.