Fota Daniecka pad abstrełami, jakoje raspaŭsiudžvajecca prapahandystami samaabvieščanaj «DNR»
Pra intensiŭnyja abstreły Daniecka ŭkrainskimi vojskami «deneeraŭcy» stali paviedamlać paśla 18-j hadziny. Pavodle ich, ukraincy vypuścili pa horadu dziasiatki i sotni rakiet i ciažkich snaradaŭ. Adna z rakiet nibyta patrapiła ŭ haradski rynak «Majski», jość zahinułyja i paranienyja. Prachodziła infarmacyja taksama, što nibyta snarad patrapiŭ u radzilniu, dzie razburany dach i pavybivanyja šyby.
Kiraŭnik «DNR» Dzianis Pušylin vystupiŭ ź videazvarotam, u jakim zajaviŭ, što z-za hetaha buduć zadziejničanyja «ŭsie nieabchodnyja dadatkovyja siły sajuźnickich sił, u pieršuju čarhu Rasijskaj Fiederacyi».
Ukrainskija ŭłady «abstreły Daniecka» nijak nie kamientujuć.
Nahadajem, što padobnaja situacyja była pierad pačatkam vajny, kali spačatku pryznańnie «DNR» i «ŁNR», a paśla i pačatak paŭnamaštabnych bajavych dziejańniaŭ z boku Rasii supravadžałasia šumnaj infarmacyjnaj kampanijaj: paviedamleńniami pra abstreły samaabvieščanych respublik i dyviersijnyja akty, evakuacyjaj nasielnictva i h. d.
Całkam vierahodna, što i ciapier pad hety šum Rasija choča raspačać niejkuju novuju eskałacyju, prykryvajučysia nieabchodnaściu abarony «naroda Danbasa».
